Imre Nagy

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Imre Nagy
Primer ministro d'Hongría
4 de chulio de 1953 – 18 d'abril de 1955
Precediu por	Mátyás Rákosi
Succediu por	András Hegedűs
Primer ministro d'Hongría
24 d'octubre de 1956 – 4 de noviembre de 1956
Precediu por	András Hegedűs
Succediu por	János Kádár
Ministro de l'Interior d'Hongría
1945 – 1946
Primer ministro	Zoltán Tildy
Precediu por	Ferenc Erdei
Succediu por	László Rajk
Ministro d'Asuntos Foranos d'Hongría
2 de noviembre de 1956 – 4 de noviembre de 1956
Primer ministro	Imre Nagy
Precediu por	Imre Horváth
Succediu por	Imre Horváth
Naiximiento	7 de chunio de 1896 Kaposvár (Imperio Austrohongaro, hue Hongría)
Muerte	16 de chunio de 1958 Budapest (Republica popular d'Hongría, hue Hongría)
Partiu	Partiu Comunista d'Hongría Partiu d'os Treballadors d'Hongría
Conchuche	Mária Égető
Profesión	Politico y economista

Imre Nagy (ˈimrɛ ˈnɒɟ en hongaro), naixito de Kaposvár (Imperio Austrohongaro, hue Hongría) o 7 de chunio de 1896 y executato en Budapest (Republica popular d'Hongría, hue Hongría) o 16 de chunio de 1958, estió un politico y economista hongaro militant d'o Partiu Comunista d'Hongría y d'o suyo succesor o Partiu d'os Treballadors d'Hongría, que estió ministro en bels gubiernos hongaros en rematar a Segunda Guerra Mundial en os inicios d'a Republica popular d'Hongría. En 1953, mientres a desestalinización, Imre Nagy se convertió en Primer ministro d'Hongría, introducindo en a economía d'o país importants reformas economicas, que se considera que estioron as que en un futuro inspiroron a lo checoslovaco Alexander Dubček. En 1954 heba perdito o refirme d'a Unión Sovietica por as presions d'os elementos menos innovadors d'o propio comunismo hongaro y fue sustituyito por András Hegedűs.

En 1956, cuan s'intensificó a desestalinización, apareixioron disturbios en cuantos países d'o Pacto de Varsovia, que en Hongría estioron a dita Sublevación de Budapest, y Nagy tornó a estar Primer ministro d'o país, clamato por os dirichents comunitas ta mirar de frenar a situación. Sindembargo, Imre Nagy formó un Gubierno multipartidista y fació publica a intención de fer en o esdevenidero d'Hongría una democracia parlamentaria; o 31 d'octubre de 1956 anunció l'albandono d'o Pacto de Varsovia y l'1 de noviembre proclamó a neutralidat hongara entre os dos bloques en a Guerra Fría. En ixas condicions, János Kádár, enemigo politico de Nagy, organizó un golpe d'estato con l'aduya d'a Unión Sovietica y o 4 de noviembre as tropas de l'Exercito Royo dentroron en o país, prencipiando luitas contra chicoz grupos de civils y militars hongaros. Nagy se refuchió en a embaixada de Yugoslavia dica o 22 de noviembre, cuan Kádár li aseguró que no tendría problemas en tornar a Hongría. Cuan albandonó a embaixada yugoslava fue detenito por a KGB y deportato a Rumanía dica o suyo chuicio, en 1958, que remató con a suya execución.

Vinclos externos

• Se veigan as imáchens de Commons sobre Imre Nagy.

• Datos: Q177917
• Multimedia: Imre Nagy / Q177917