Imane Khelif

Imane Khelif
Información personal
Naixencia	2 de mayo de 1999 Sougueur (Laghouat, Alcheria)
Altaria	1,78 m
Esporte	Boxeyo
Campionato Mundial
Archent	Istambul 2022	Superluchero
Campionato d'Africa
Oro	Maputo 2022	Superluchero
Chuegos d'a Mediterrania
Oro	Orán 2022	Superluchero
Chuegos Arabes
Oro	Alcher 2023	Luchero
Chuegos Olimpicos
Oro	París 2024	Luchero
{{{tpCampionato6}}}

Imane Khelif (en arabe إيمان خليف, latinizau ʾĪmān Khalīf) ye una boxiadora profesional alcheriana, naixida de Sougueur (Laghouat, Alcheria) o 2 de mayo de 1999. Ha representau a Alcheria en os Chuegos Olimpicos de 2020 en Tokio y en os Chuegos Olimpicos de 2024 en París.

Biografía

Khelif naixió o 2 de mayo de 1999, d'a provincia algeriana de Laghouat y creixió en Biban Mesbah, un lugar rural d'a provincia de Tiaret.

Mientres a suya nineza destacó como chugadora de fútbol pero yera atacada por atros ninos amuixonaus por as suyas habilidaz esportistas. En esfender-se d'istos enfrentamientos, Khelif pencipió a intresar-se en a disciplina d'o boxeyo. En primeras, su pai no aprebaba o boxeyo pa ninas y le privaba de practicar dito esporte. Pa poder financiar o treslau a las suyas practicas, Khelif treballó replegando ferralla y vendendo cuscús chunto a su mai.

En chinero de 2024, producto d'a suya destacada trachectoria esportiva, Khelif se convertió en embaixadora nacional d'UNICEF.

Carrera deportiva

Primers torneyos

En o Campionato Mundial de Boxeyo Femenino AIBA Nueva Delhi 2018, Khelif participó por primera vegada, a on ocupó o puesto 17 dimpués d'estar eliminada en a primera ronda. Dimpués representó a Alcheria en o Campionato Mundial de Boxeyo Femenino AIBA 2019 celebrau en Rusia, a on ocupó o puesto 33.º dimpués d'estar eliminada en a primera ronda debant de Natalia Shadrina.

Khelif representó a Alcheria en a preba de peso luchero (57 a 60 Kg) en os Chuegos Olimpicos de Tokio 2020. Dimpués de ganar a la tunecina Mariem Homrani, fue redotada por a irlandesa Kellie Harrington en os cuartos de final.

Khelif fació parti d'o Campionato Mundial de Boxeyo Femenino IBA 2022 y se convertió en a primera boxiadora alcheriana en plegar ta a final dimpués de redotar a la holandesa Chelsey Heijnen. Se enfrentó a la irlandesa Amy Broadhurst en a final y fue redotada.

Campionato Mundial de 2023

Khelif recibindo a medalla d'oro dimpués de redotar a la marroquina Oumaima Belhabib en a final de boxeyo d'os Chuegos Arabes de 2023.

En marzo de 2023, fue descalificada poco antis d'a suya peleya por a medalla d'oro en o Campionato Mundial de Boxeyo Femenino IBA 2023 por no cumplir con os criterios d'elechibilidat. Si bien o Comité Olimpico d'Alcheria se limitó a informar que a descalificación heba ocurriu por motivos medicos, medios d'ixe país indicoron que se debió a altos livels de testosterona. En primeras, o president de l'Asociación Internacional de Boxeyo (IBA), Umar Kremlev, afirmó que os resultaus d'exámens cheneticos feitos a Khelif y atras atletas "amostroron que teneban cromosomas XY", lo que seguntes Kremlev habría chustificau a descualificación. Isto no quiere decir que Khefil siga hombre, ya que existen condicions medicas que pueden fer que una muller tienga cromosomas XY, mesmo, dimpués d'a descualificación de Khelif, cuantos medios sinyaloron que a esportista tendría bel trastorno d'o desarrollo sexual (DSD) que fa que bellas mullers tiengan cromosomas XY o presenten livels de testosterona en sangre tipicos en hombres. A controversia tamién cheneró falsas afirmacions de que Khelif ye transchenero u transexual. En Alcheria, o país a o que representa Khelif, a identidat transachenero ye prohibida, o cambio de chenero no ye permitiu en os documentos oficials, ni se permiten tractamientos medicos u hormonals para a transición enta atro sexo.

Os informes d'a IBA no indican detalles respecto a o tipo de test ni a norma en particular que habría estau transgredida; a IBA nomás ha sinyalau que Khelif y atras atletas «no se facioron un examen de testosterona, sino una preba deseparada y reconoixida, cualos detalles permaneixen confidencials». Dimpués d'a decisión d'a IBA, Khelif presentó una apelación debant d'o Tribunal d'Arbitrache Esportivo, pero dimpués la retiró, fendo que a decisión d'a IBA estase legalment vinculant en os torneyos organizaus por ista asociación. En torneyos organizaus por atras institucions, Khelif podió participar sin problemas, como ocurrió en os Chuegos Arabes reyalizaus en chulio de 2023, a on obtenió a medalla d'oro en o evento de peso wélter femenino.

Chuegos Olimpicos de 2024

Dimpués d'una serie de quistions respecto a acusacions de corrupción, interferencia politica y atras controversias, en chunio de 2023 o Comité Olimpico Internacional (COI) expulsó a l'Asociación Internacional de Boxeyo (IBA) d'a organización. Debant d'a situación, o COI asumió o rol d'ente organizador d'o torneyo de boxeyo pa os Chuegos Olimpicos de 2024 reyalizaus en París, Francia, en reemplace d'a IBA.

En ixe contexto, o COI confirmó en chunio de 2024 a clasificación de Khelif a os Chuegos Olimpicos pa l'evento de boxeyo femenino (dica 66 Kg). En l'inte, o COI sinyaló que tanto Khelif como Lin Yu-ting, un atra participant descualificada por a IBA por motivos parellanos, cumpliban con todas as regulacions medicas y d'elechibilidat "en concordancia con os regles 1.4 y 3.1 d'a Unidat de Boxeyo de París 2024".

En o suyo primer enfrentamiento, Khelif redotó a la italiana Angela Carini en 46 segundos, dimpués de que Carini se retirase por una intensa dolor dimpués d'un trucazo en o naso.Dimpués d'o duelo o entrenador d'Angela Carini, a propia esportista y cuantos politicos, como o president archentino Javier Milei y Giorgia Meloni, expresoron a suya preocupación sobre Khelif en una competición femenina, aducindo que l'atleta yera, aparentment, una persona «transchenero», contando asinas con «avantalla esportiva».Debant d'a polemica, o COI reiteró que todas as esportistas d'a competición femenina yeran mullers y que s'heban verificau toz os criterios de elechibilidat, pa lo que s'heban preso como base os criterios ya estableixius en os dos Chuegos Olimpicos anteriors. O COI declaró que a descualificación de Khelif y Lin en 2023 heba estau una decisión arbitraria d'a IBA y que no siguió o debiu proceso, y lamentó os ataques contra as esportistas. Tanimientres, a italiana Angela Carini pidió meco publicament a Khelif por l'incident, decindo que respectaría a decision d'o COI.

Palmarés

• Campionato Mundial de Boxeyo Amateur
  • Medalla de plata en la categoría de menos de 63 kg en o Campionato Mundial de Boxeyo Amateur Femenino en Istambul 2022.
• Campionato Africano de Boxeyo Amateur
  • Medalla d'oro en a categoría de menos de 63 kg en o Campionato Africano de Boxeyo Amateur en Maputo 2022.
• Chuegos d'a Mediterrania
  • Medalla d'oro en a categoría de menos de 63 kg en os Chuegos d'a Mediterrania d'Orán 2022.
• Chuegos Arabes
  • Medalla d'oro en a categoría de menos de 63 kg en os Chuegos Arabes d'Alcher 2023.

Se veiga tamién

• Caster Semenya.
• María José Martínez Patiño.
• Lin Yu-ting.