Hidrolisi (meteorización quimica)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A hidrolisi ye una forma de meteorización quimica que consiste en a reacción quimica de bels minerals con l'augua pa formar-se nuevos minerals estables en as condicions d'a superficie, en contacto con os gases de l'atmosfera y os achents atmosfericos.

A hidrolisi ye consecuencia d'a diferencia entre as condicions de formación de bels minerals y as condicions de presión, temperatura y presencia de fluidos de l'atmosfera. Os ions H OH^- de l'augua son capaces hidrolizar y destruir o rete cristalín de bels minerals.

A hidrolisi se puet producir en os silicatos. Contra mes cerca d'o principio d'as series de reacción de Bowen siga un silicato mes inestable será en as condicions atmosfericas, y contra mes cerca d'os zaguers termins mes estable.

Un eixemplo de reacción de hidrolisi lo trobamos en a forsterita (un olivín):

Mg₂SiO₄ 4H 4OH^- = 2Mg² 4OH^- H₄SiO₄

olivín (forsterita) cuatre moleculas d'augua ionizada = dos ions de magnesio en disolución cuatre grupos hidroxido acido silicico en disolución.

En os feldespatos a hidrolisi conduce a la formación de minerals de l'archila: illita, montmorillonita, caolinita, dependendo d'as condicions climaticas y edaficas. En un grau mes abanzau d'alteración se pueden formar oxidos y oxihidroxidos metalicos, sobre tot de fierro y aluminio (as lateritas y bauxitas).

Bibliografía

• Eumenio Ancochea Soto, Francisco Anguita Virella, Fernando Moreno Serrano. Geología Procesos Externos. Editorial Edelvives.
• Francisco Anguita Virella, Fernando Moreno Serrano. Procesos geológicos externos y geología ambiental. Editorial Rueda.

• Datos: Q13049164