Gabriel Sopeña
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Gabriel Sopeña | ||
|---|---|---|
 Gabriel Sopeña
| ||
| Información personal | ||
| Nombre | Gabriel Sopeña | |
| Embotada | ||
| Naixió |  Zaragoza (comarca de Zaragoza, Aragón)1962 | |
| Murió | ||
| Información musical | ||
| Orichen | ||
| Estilo | ||
| Ocupancia | Profesor universitario, musico, compositor, productor y poeta. | |
| Instrumentos | Voz, guitarra, harmonica, mandolina, piano. | |
| Tiempo | 1979-... | |
| Discograficas | ||
| Relacionau con | Maurizio Aznar, Más Birras, Ferrobós, El Frente, Loquillo, Maria Creuza, José Antonio Labordeta, Carmen París, Olga y los Ministriles. | |
| Pachina web | ||
Gabriel Sopeña (Zaragoza, 1962) ye un poeta, profesor y compositor aragonés.
Naixió en o zaragozano barrio de Casablanca. Ye doctor en Filosofía y Letras, profesor universitario, poeta y musico; precipió a suya carrera artistica en l'anyo 1983, liderando bels d'os grupos pioners d'o panorama aragonés, como Ferrobós (Círculo de fuego, Grabaciones Interferencias, 1988) y El Frente (Otro lugar bajo el sol, Es3, 1991; Barcos, Es3, 1992), a mas d'a suya intensa y constant relación con o grupo Más Birras, fruto d'a suya intima amistanza dende a infancia con Maurizio Aznar, con qui colaboró en toz os suyos discos. Numerosos artistas han dau voz a o suyo repertorio (Enrique Bunbury, Loquillo, Héroes del Silencio, José Antonio Labordeta, María del Mar Bonet, Los Rebeldes u Manolo García, d'entre atros), habendo colaborato igualment con destacatos compositors, cantaires y musicos internacionals, como Jackson Browne, Pat MacDonald, Boz Scaggs, Hugh Cornwell, Ondřej Soukup, Bonnie Raitt, Maria Creuza, Norma Helena Gadea u Lucía Šoralovà, por eixemplo.
Sopeña ha composau habitualment cancions en aragonés: Direzional (poema d'Eduardo Vicente de Vera, Zaragoza, 1952, Una ciudad para la paz, 2000), Mai (con texto de Ánchel Conte y diversas versions) y L´Albada de l´ababol (Es a veces amar, 2014, cantada por Olga y los Ministriles, con texto en castellano d'o propio Sopeña y versión en aragonés de Ánchel Conte).
Un d'os suyos zaguers treballos ye estau Su nombre era el de todas las mujeres (2009), con poemas de Luis Alberto de Cuenca y con voz de Loquillo. Y o Cancionero libertario (2010), un disco-libro con 20 cancions libertarias d'Europa y America.
En l'anyo 2014, o grupo de folk de Uesca Olga y los Ministriles publicó o disco Es a veces amar, con once cancions composadas por Gabriel Sopeña con textos de poetas aragoneses.
Vinclos externos
[editar | modificar o codigo]
Datos: Q2877514
Multimedia: Gabriel Sopeña / Q2877514