Comunidat de Daroca
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Este articlo ye sobre l'antigo districto medieval de Daroca. Ta l'actual comarca se veiga Campo de Daroca.
| Comunidat de Daroca | |
| Comunidat d'o Reino d'Aragón | |
| Entidat • Estato • País |
Comunidat Corona d'Aragón Reino d'Aragón
|
| Capital | No bi'n heba |
| Subdivisions | Sexma de Barrachina Sexma de Gallocanta Sexma de la Honor de Uesa Sexma de Langa Sexma de Trassierra Sexma de Xiloca |
| Idioma oficial • Luenga propia |
Aragonés Aragonés d'as comunidaz aragonesas |
 En royo situación en as comunidaz aragonesas | |
La Comunidat de Daroca estió un districto churisdiccional adintro de la estructura descentralizata de la Corona d'Aragón.
Historia
[editar | modificar o codigo].svg)
Se fa mención de lo territorio de lo que dimpués será la Comunidat en lo fuero de Daroca de 1142; n'este s'atorga a Daroca unas mugas que plegaban ta las actuals provincias de Teruel, Castellón, Cuenca, Valencia, Guadalachara y Zaragoza.
Podemos leyer las mugas n'una versión de lo fuero de 1142, concediu por Remón Berenguer IV de Barcelona:
Como se puet veyer incluiban muitos territorios que alavez yeran en poder de los moros (y que teoricament os habitadors de la Comunidat heban d'aduyar a conquerir). Manimenos encara que los exercitos aragoneses los reconquirioron, no quedoron en la comunidat. De feito, en 1177 se creyó la Comunidat de Teruel en la parte sudeste de lo gran territorio que lis heban concediu, en haber perdiu Daroca lo suyo paper estratechico en la defensa de la muga con los musulmans.[1]
En l'anyo 1205 ye cuan se cita por primera vegada la mes gran part de las localidaz que dimpués constituirán la Comunidat de Daroca. Ye un texto d'asignación de diferents rendas y decimas a las ilesias de Daroca por part de lo Bispe de Zaragoza, Remón de Castrocol. Las ilesias de Daroca yeran diez: Santa María, Sant Per, Sant Andreu, Sant Chuan, Santo Domingo, Sant Miguel, Sant Chaime, Sant Martín, Sant Lorient y Sant Valero.
En lo documento se van dicindo que aldeyas perteneixen, en la cuestión de las decimas y primicias, a las diferents ilesias y los clerigos suyos. Pero s'ha de dicir que no totas las aldeyas de Daroca hi son rechistradas, pus no perteneixeban encara a la Comunidat (como la Honor de Uesa) u por tener un estau especial por razons estratechicas como Cutanda, Peracens, Mont-reyal y atras. Se mentan cuasi totas las aldeyas de la sexma de Barrachina y muitas aldeyas huei despobladas, lo que indica un rete de colonización prou denso y talment creiximiento de población.
La Comunidat de Daroca existe como institución por lo menos dende 1248, cuan consiguiron la suya independencia con respecto a la villa a cambio de pagar a lo rei 10.000 sueldos anyals.
En la primera mitat de lo sieglo XVII la Comunidat compró la Honor de Uesa y la Baronía de Segura por 60.000 escudos d'archent. Los 11 lugars d'estas entidaz territorials formoron una seisena sexma.
Organización administrativa
[editar | modificar o codigo]
La historia politica se desembolica con la historia de la capital suya, Daroca, pero igual que con atras comunidaz aragonesas se produce una desaparación de las aldeyas y la capital con lo paso de lo tiempo, con disputas chudicials.
Asinas las aldeyas consiguioron una independencia churisdiccional de lo chusticia de Daroca dimpués d'encarar-sen muitas vegatas, quedando reservata a lo chusticia nomás que las causas criminals y furtos importans u con violencia.
Las plegas u reunions de los aldeyans se feban a part de los de la ciudat, los impuestos se pagaban por deseparato, ninviaban representants diferents debant lo rei, y mesmo tenioron un escanyo propio en las Corz.
La ciudat no siempre respetó esta independencia de las aldeyas, pero con lo tiempo lo rei dio lo mesmo privilechio a la ciudat y las aldeyas.
Los suyos organos de gubierno yeran la plega u reunión cheneral, lo consello y las plegas extraordinarias.
- La primera se reuniba una vegata a l'anyo en un puesto no fixo de la Comunidat que no podeba estar Daroca.
- La composición de lo consello tamién evolucionó, pero los oficios prencipals, de duración anyal u d'elección dreita yeran: l'escribán, (cargo de mes gran importancia, que replegaba los impuestos de la comunidat), un sexmer de cadaguna de las sexmas, que administraban chusticia chunto con dos churatos, dos por aldeya, cuatro hombres buenos por sexma, y lo procurador cheneral.
En las aldeyas amás de los dos churatos lo rechimen yera de concello ubierto. La población yera de cristianos, chodigos y moros, como en Daroca, pero en numero muito mas baixo d'estos zaguers. Nomás existioron alchamas que en Carinyena, Baguena y Burbaguena. Estió tipico en lo rechimen democratico de la Comunidat la oposición a los habitadors nobles u infanzons, por lo sentito igualitario de los pobladors, y por tanto los cargos publicos lis yeran betatos.
Yera dividita en sexmas u sesmas:
- Sexma de Barrachina
- Sexma de Gallocanta
- Sexma de la Honor de Uesa
- Sexma de Langa
- Sexma de Trassierra
- Sexma de Xiloca
Organización eclesiastica
[editar | modificar o codigo]
Seguntes lo establito por Remón de Castrocol en 1205, catorce de las aldeyas heban d'entregar antes de lo día de Sant Martín una contribución (collacionum) de dos fanegas d'hordio y dos de trigo a beluna de las parroquias de Daroca.
Lo reparto quedó asinas seguntes se deduce de lo texto adhibito a lo Libro vermello de l'Archivo Colechial de Daroca:
- Barrachina: Santa María.
- Navarret: Santa María.
- Calamocha: Santa María.
- Cucalón: Sant Andreu.
- Lozana: Sant Per.
- Mainar: Sant Chuan.
- Cosa: Santo Domingo.
- Rubiuelos: Santo Domingo.
- Langa: Sant Miguel.
- Cebollada: Sant Miguel.
- Castiel Pedrés: Sant Chaime.
- L'Enderme: Sant Martín de la Parra.
- Retascón: Sant Lorient.
- Val Conchán: Sant Valero.
La distribución de decimas y primicias estió:
- Ilesia de Santa María: Cingla, Torrillo, Las Cuevas (Cobas), Las Cuerlas, Anento, Ferreruela (Ferrerola), Tonda, Cuevas de Portalrubio (Covas de Portelo Rubeo), Lechón, Montnegriellos, Villalbiella, Forcallo, Tortolón y Baguena.
- Ilesia de Sant Per: Olalia (Olalias), Pelarda, Fuents Claras (Fontes Claras), Gascons (Villar gasconem), Lechago, Luco, Tramasaguas, La Salce, Villalpardo, Torralba del Senior, Baduls, Torre los Negros, Ferrera.
- Ilesia de Sant Andreu: Cervera, Sarzuela de la Loma (Sarcola), Miguel (Michel), Romanos, Lanzuela, Val de Forna (BaldeForna), Tampuriellas.
- Ilesia de Sant Chuan: Portalrubio (PortelRubeo), Tuera, Las Casas, Collados, Manchons (Manchones), La Salce, Murero, Baselga, Aldeya de Domingo Ferrero y Zaida.
- Ilesia de Santo Domingo: Allueva, Fuent Frida, Losiella, Beya, Nueros, Pardiellos (Pardellos), Cerveruela (Cerberolla), Bello, Berrueco (Castel Pedrés), Gallocanta, Uellos Negros (Ollosnigros) y Pozuel.
- Ilesia de Sant Miguel: Lo Pueyo (Poyo), Santet, Mezquita, Val de Sant Martín (Val de San Martin), Sant Martín, Ambos Puertos (Ambos Portos), Odón, Blancas y Torreciella.
- Ilesia de Sant Chaime: Alpenyés, Corbatón, Langosto, Villalba, Torralba, Fuset, Villar Guerrero, Rubiuelos, Dacos, Nombrevilla la Menor, Nombrevilla la Mayor (Ambas Nominevillas), Baldariento, Lagueruela y Godos.
- Ilesias de Sant Martín, Sant Lorent y Sant Valero: Castellón (Castellon), Sarzuela (Sarcolla), Banyón, Lo Villarello (VillardeCosa), Villanueva y las decimas de Pancrudo.
Bi ha unas doce aldeyas de lo espacio cheografico de la Comunidat de Daroca que no se mencionan en lo reparto, seis d'ellas s'adhibiron a la Comunidat dimpués (Tornos, Burbaguena, Mont-reyal, Almofalla, Peracens y Villar del Salz), y atras seis las fundoron u refundoron dimpués, tenendo la radiz villa: Villafranca, Villarroya, Villafermosa, Villadolz, Villarreyal y Lo Villarello.
Referencias
[editar | modificar o codigo]- ↑ (es) Antonio Gargallo Moya El Concejo de Teruel en la Edad Media volumen I. Instituto de Estudios Turolenses, 1997 isbn=84-86982-64-2.
Bibliografía
[editar | modificar o codigo]- (es) Agustín Gil Domingo: La historia de Calamocha a través de la historia (I). Xiloca: revista del Centro de Estudios del Jiloca, nº 30.[1]
- (es) Luis Alberto Majarena Gonzalvo: El libro bermejo del archivo colegial de Daroca. Centro de Estudios Darocenses. Colección Documentos para la Historia de Daroca y su Comunidad. 1989.
- (es) Pascual Crespo Vicente: Libro de la manifestación del moravedí de las aldeas de la ciudad de Daroca, 1373: según el manuscrito nº 2.398 del Archivo de la Corona de Aragón. Editor: Centro de Estudios del Jiloca, 1998. ISBN 8460951235, 9788460951230
| |
| Sexma de Barrachina | Sexma de Gallocanta | Sexma de la Honor de Uesa | Sexma de Langa | Sexma de Trassierra | Sexma de Xiloca | |
| |
| Comunidat d'Albarracín | Comunidat de Calatayú | Comunidat de Daroca | Comunidat de Teruel | |
| Control d'autoridaz |
|
|---|
Datos: Q13048806