Clamosa
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Iste articlo tracta sobre Clamosa. Ta altros usos d'o toponimo Clamosa se veiga Clamosa (desambigación).
Clamosa | |
Lugar d'Aragón | |
Entidat • País • Provincia • Comarca • Municipio |
Lugar![]() ![]() Sobrarbe A Fueva (municipio) |
Partiu chudicial | Boltanya |
Población • Total |
3 hab. (2011) |
Altaria • Meyana |
652 m. |
Distancia • 109 km • 36 km • 21,8 km |
enta Uesca enta L'Aínsa enta Tierrantona |
Codigo postal | 22438 |
Patrons | Asumpción de María |
Parroquial • Diocesi • Arcipestrau |
Balbastro-Monzón Sobrarbe-Ribagorza |
Coordenadas | |
Clamosa ye un lugar aragonés d'o municipio d'a Fueva, en a comarca de Sobrarbe y a provincia de Uesca. Actualment a suya población ye de 3 habitants (2011[1]).
Clamosa yera capital d'un municipio de dreito propio, que heba nombre Clamosa,[2] d'o cual feba parte tamién Caneto[3] y a Penilla,[3] y os lugarichons de Bediello[3] y a Selva,[3] toz cinco en o vallón d'o barranco de Clamosa. A partir d'o periodo intercensal de 1842-1857 se i incorpororon dos d'os tres nuclios d'a vecina val d'o barranco d'o Salinar, Trillo[2] y Salinas,[2] en remanindo Troncedo como municipio deseparau. O municipio desapareixió en a decada de 1960 en dir-se despoblando os lugars y pardinas que en feban parte, sobretot con as succesivas inauguracions d'os dos entibos que arruinoron a comarca: L'entibo de lo Grau (1968) y l'entibo de Mediano (1969).
Clamosa ye un lugar que se troba engarrotau en un cerret penyascoso, con una estructura urbana basada en as casas pretas d'entre ellas y contra la penya, lo que fa pensar en un planiamiento defensivo caracteristico d'as poblacions antigas. En l'altura d'o lugar se i troba as enrunas d'un castillet modesto (que beluns datan en o sieglo XI[3][4]) que probablement explica las oríchens de l'asentamiento. O castillet posiblement se complementaba con o d'Escaniella, y toz dos con os poderosos castiellos de l'Abizanda y Troncedo, en un aria tan en sud de o Sobrarbe que en belaltro tiempo fué mugadera con a espanya musulmana.
Clamosa teneba una salina que pareix que no feba prou producción ta abastir a o propio lugar en as epocas de mas gran expansión demografica,[4] y a demés, heba tenido en bella epoca una pedrera de cheso y unatra de calso, todas dos yeran albandonadas en 1950.[4] O molino farinero el llevaban os de lugar, y o molino d'olio yera propiedat d'os de a Selva, una pardina en o mont a man de Bediello.
Demografía
[editar | modificar o codigo]O lugar de Clamosa naixió, d'alcuerdo con bels especialistas, a redol d'o castiello que coronaba la penya en a que s'asola.[4] En o fogache de 1495 teneba 11 fuegos, y d'alcuerdo con Manuel Benito Moliner, o numero de fuegos (casas) que i habió alto u baixo se mantenió estable dica la segunda mitat d'o sieglo XIX,[4] momento en o que a explosión demografica cheneralizada en tot l'Alto Aragón, pudo elevar-ne o numero dica 20 u 21 casas.
Iste mismo investigador proposa que a meya de población por casa en Clamosa, en l'anyo 1787, yera de 13 personas,[4] lo que sitúa a población total de lugar en os hipoteticos 143 habitants. A mitat d'o sieglo XIX, d'alcuerdo con M. Benito Moliner, o numero habría puyau dica 7,68, y cara ta 1860 le atribuye una población de 7,8 personas por fuego,[4] lo que fa un total de 156 habitants. En 1900, con un promedio atribuiu de 6,7 habitants por casa, o lugar de Clamosa habría tenido una población humana estimable en 134 habitants.
| ||||||||||||||||||
| ||||||||||||||||||
| ||||||||||||||||||
1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE. |
Fiestas
[editar | modificar o codigo]- 17 de chinero, fiesta d'hibierno, fendo-le honras a Sant Antón.[5]
- 23 de mayo, romería ta o santuario de Santa María de Bruís.[5]
- 15 d'agosto, Fiesta Mayor, fendo-le honras a la Virchen d'agosto.[5]
- 17 d'aviento, romería t'a ermita d'a Esperanza.[5]
Referencias
[editar | modificar o codigo]- ↑ (es) «Clamosa» en a subpachina «Relación de unidades poblacionales» d'o Instituto Nacional de Estadística, consultada o 22 de marzo de 2012.
- ↑ 2,0 2,1 2,2 (es) «Clamosa» en a subpachina «Alteraciones de los municipios en los Censos de Población desde 1842» d'o Instituto Nacional de Estadística, consultada o 31 d'octubre de 2010
- ↑ 3,0 3,1 3,2 3,3 3,4 (es) «Clamosa» en Despoblados en Huesca, consultada o 31 d'octubre de 2010
- ↑ 4,0 4,1 4,2 4,3 4,4 4,5 4,6 (es) Despoblados del antiguo municipio de Clamosa por Manuel Benito Moliner; consultau o 12 de noviembre de 2010.
- ↑ 5,0 5,1 5,2 5,3 (es) Calandario de fiestas en a pachina oficial de l'achuntamiendo d'a Fueva; consultada o 31 d'octubre de 2010.
Lugars d'o municipio d'a Fueva | |
---|---|
Poblaus: Aluchán | Buetas | A Cabezonada | Caneto | Charo | Clamosa | Formigals | Fosau | Fuent de Campo | O Lumo de Muro | O Lumo de Ranyín | A Lueza | Mediano nuevo | Moriello de Monclús | O Pocino de Charo | Ranyín | Salinas de Trillo | Sant Chuan | Sant Mitier | Sant Per | Solipueyo | Tierrantona | Trillo | Troncedo Despoblaus: L'Alquería de Cotón | Arasanz | L'Atiart | Bediello | Benedet | Carrera | A Corona | A Cuesta | Fumanal | Ixantigosa | A Lecina | O Lenero | A Marinyosa | O Mediano | Mediano viello | Ministirio | Moliniás | Montero | A Mula | Muro de Roda | A Nau | A Olivera | O Pamporciello | La Penilla | A Plana | O Plano | Rolespé | Sant Per de Trillo | A Selva | A Sierra | Solaniella | O Sotero | Susiaz | A Torre | A Villa |