Biblioteca d'a Universidat de Zaragoza

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Biblioteca d'a Universidat de Zaragoza
Edificio Paraninfo. Biblioteca General
Datos chenerals
Tipo	Universitaria
Siglas	BUZ
Embotada	{{{embotada}}}
Lema	{{{lema}}}
Establimiento	1796
Fundador	{{{fundador}}}
Localización
Adreza	Dirección y administración: Pza. Basilio Paraíso, 4. 50005 Zaragoza Bibliotecas en Zaragoza Uesca Teruel
Ciudat	{{{ciudat}}}
País
Estato	{{{estato}}}
Atras seus	{{{seus}}}
Campus	{{{campus}}}
Profesors	{{{profesors}}}
Estudiants	{{{estudiants}}}
• Bachillerato	{{{bachillerato}}}
• Pregrau	{{{pregrau}}}
• Postgrau	{{{postgrau}}}
• Doctorato	{{{doctorato}}}
• Atros	{{{atros estudiants}}}
Treballadors	{{{treballadors}}}
Funcionarios	{{{funcionarios}}}
Administrativos	{{{administrativos}}}
Mascota	{{{mascota}}}
Colors
•Academicas	{{{colors academicas}}}
•Esportivas	{{{colors esportivas}}}
Administración
Rector	{{{rector}}}
Vicerrector	{{{vicerrector}}}
Canciller	{{{canciller}}}
Vicecanciller	{{{vicecanciller}}}
President	{{{president}}}
Director	Cristina Seguí Santonja
Degán	{{{degán}}}
{{{administrador}}}	{{{nombre administrador}}}
Afiliacions	{{{afiliacions}}}
Financiamiento	{{{financiamiento}}}
biblioteca.unizar.es/

A Biblioteca d'a Universidat de Zaragoza (BUZ) ye un servicio que perteneix a la Universidat de Zaragoza, estando a encargata d'a chestión d'os recursos d'información destinatos a os procesos d'aprendizache, docencia, investigación y formación contina. A suya prencipal misión ye a conservación, o incremento y a difusión d'os recursos d'información y l'acceso a istos, asinas como a colaboración en os procesos de creación d'o conoiximiento.

A suya estructura, funcionamiento, valors y obchectivos son definitos en o suyo Reglamento y a Carta de Servicios, asinas como en os suyos Plans Estratechicos, estando lo zaguero lo correspondient a o periodo 2021-2024.

Historia

Biblioteca d'o Paraninfo

Encara que oficialment a Biblioteca Universitaria de Zaragoza naixe o 17 de noviembre de 1796 con a obredura solemne a o publico, os esfuerzos por a suya constitución son inherents a o desembolicamiento d'a Ilustración y a politica educativa de Carlos III, que a suya Reyal Orden de 14 de marzo de 1759 ordenaba o establimiento de bibliotecas en todas as Universidaz d'o Reino. Manimenos, os primers pasos se veyioron amputatos de raso cuan o 4 d'agosto de 1809, en plena Guerra d'a Independencia y en o segundo sitio d'a ciudat por as tropas francesas, os bombardeyos rematoron enronando a recient creación. Malas que se remató lo conflicto, s'empecipia un largo periodo de reconstrucción, que si bien suposa o considerable incremento d'os fondos, marcará uno d'os sinyals d'identidat d'a Biblioteca: o suyo caracter ambulant. A o largo de tot o sieglo XIX y buena parti d'o XX no tendrá un puesto fixo.

A reobredura se produce l'anyo 1849. A finals d'o sieglo XIX a Biblioteca se trestallará en tres seccions: Cheneral u d'a Universidat, Medicina y Ciencias y Archivo Historico. Ista dispersión de fondos se ferá mas gran en as primeras anyadas d'o sieglo XX. A Guerra Civil suposará a realización d'atras actividaz mas amanatas a la implantación d'a ideolochía d'o bando franquista y a represión cultural que a las propiament bibliotecarias. Asinas, s'empenta o Servicio de Lectura d'o Soldato y s'organiza la Comisión Escoscadera de Bibliotecas d'o Distrito Universitario de Zaragoza ta retirar as obras que se consideraban nocivas por o Nuevo Estato. En o Franquismo, a construcción d'a Ciudat Universitaria suposó tresladar una dezaga d'atra as Facultaz de Filosofía y Letras, Dreito y Medicina, con as suyas respectivas bibliotecas, ta o nuebo complexo, asinas como a mas gran parti d'a colección historica de l'Archivo Historico, en l'edificio d'a Facultat de Filosofía y Letras, quedando solament difuera d'ista una parti d'o fondo antigo, en l'antigo edificio d'a Capiella Cerbuna (s. XVI), que s'espaldó o 6 de mayo de 1973, victima d'o malmetimiento de l'edificio y d'a desiria institucional.

A Biblioteca empecipia a suya recuperación con os primers Estatutos democraticos, dimpués de l'aprebación d'a LRU en 1984. Dende ixe momento s'encieta una periodo de cambios que veye una puyada gran d'o numero de treballadors, a construcción de nuevos edificios de biblioteca, como los d'a Facultat d'Economía y Empresa (1996) u o de Filosofía y Letras (2003). Tamién s'enriste una reorganización progresiva de coleccions, que, encara que mantenendo a estructura escentralizata propia d'a Universidat, creba o excesivo trestallamiento de coleccions que l'heba caracterizato dica allora. L'automatización d'o catalogo y o desembolicamiento d'a biblioteca dichital caracterizarán o periodo que va dende 1995 y o inicio d'os sieglo XXI.

En o que toca a la Biblioteca Cheneral, con a enchaquia d'a Conmemoración d'o IV Centenario d'a Universidat, en 1984, se tresladó enta o recient restaurato y acotraciato edificio que heba construyito l'arquitecto Ricardo Magdalena ta que i estasen as Facultaz de Medicina y Ciencias. En 2011, dimpués d'un nuevo reacotracio integral que empecipió en l'anyo 2006, a Biblioteca Cheneral chunto con os servicios centrals y o Centro de Documentación Europeya son tornatos ta o Paraninfo, acotraciando-se l'antiga sala de lectura como espacio ta la exposición d'o patrimonio bibliografico.

Estructura

A BUZ s'estructura a traviés d'un sistema bibliotecario unico, escentralizato en bibliotecas de centros y coordinato a traviés d'a Dirección d'a Biblioteca.

Fondos y coleccions

Biblioteca María Moliner

Fondos d'a Biblioteca d'a Universidad de Zaragoza

A Biblioteca d'a Universidad de Zaragoza aculle o fondo bibliografico mas important d'Aragón. Consta de mas de 1.000.000 de volumens en diferens formatos y soportes, a o mesmo tiempo que posibilita l'acceso, a traviés de 24 puntos de connexión ubicatos en os centros docents d'a Universidat, a mas de 20.000 revistas electronicas y diversas bases de datos relacionatas con as diferents disciplinas cientificas impartitas.

O catalogo Roble permite conoixer o contenito d'a Biblioteca, y dende él s'ofierta o Boletín de Novedaz Bibliograficas, en o cual s'incluyen os titols incorporatos fa poco a la Biblioteca. Dende 2013, a ferramienta Alcorze permite fer rechiras y crosidar de forma simultania a o catalogo, o repositorio y os recursos electronicos suscritos por a Biblioteca.

Patrimonio Bibliografico

A important colección documental d'obras especialment significativas, bien por a suya antigüedat u por a suya valura adhibita, conforman o patrimonio bibliografico d'a Universidat. A Biblioteca Cheneral ye a que conserva a mas gran parti. Debito a las suyas especials caracteristicas, istas obras tienen unas condicions de consulta especificas, anque muitas d'ellas son accesibles a traviés d'a Biblioteca Dichital de Fondo Antigo d'a Universidat de Zaragoza.

Cal sinyalar 416 manuscritos, que as suyas calendatas van dende o sieglo XV dica o XIX; 406 incunables; y un important corpus d'obras impresas publicatas entre os sieglos XVI y XVIII, a o mesmo tiempo que una ampla muestra de publicacions provenients de todas as institucions cientificas y culturals aragonesas.

O prochecto BIVIDA (Biblioteca Virtual de Derecho Aragonés = Biblioteca Birtual de Dreito Aragonés) aporta copias dichitalizatas de buena cosa d'as obras de dreito aragonés d'a Biblioteca Universitaria de Zaragoza.

Servicios

Uso d'as coleccions

• Consulta en sala.
• Ampre: antimás de l'ampre ta levar ta casa, bi ha diferents servicios personalizatos a traviés d'a cuenta d'usuario (renovacions, reservas, historial, etc.).
• Acceso en linia a recursos y servicios electronicos.

Espacios y equipamientos ta la docencia, l'aprendizache y a investigación

• Uso d'espacios y equipamientos apropios, como salas de lectura, zonas Wi-Fi, salas de treballo en grupo, reprografía y ordinadors d'uso publico.

Comunicación

Accions que desembolica la biblioteca ta ofreixer a información d'intrés ta os usuarios sobre a biblioteca, os suyos servicios, recursos y actividaz y ta canalizar as opinions y demandas d'os usuarios. Vertebra a comunicación a traviés d'as siguients canals:

• Noticias: a Biblioteca informa en o suyo portal web d'as zagueras noticias, horarios, conferencias, seminarios, etc., y ofreixe información profesional a traviés d'o cual se comunica y interrelaciona no solo con a comunidat universitaria, sino tamién con toz os intresatos en temas relacionatos con o mundo d'as bibliotecas.
• Exposicions: a Biblioteca difunde o suyo patrimonio bibliografico por meyo d'exposicions en a historica Sala de Lectura d'a Biblioteca Cheneral, y en as bibliotecas d'os centros.
• Web 2.0: a Biblioteca d'a Universidad de Zaragoza tien presencia en os rez socials como meyo d'acercamiento a os suyos potencials usuarios. S'ha creyato un pachina en Facebook, un perfil institucional en Twitter, un panel en Pinterest, un cuenta en Slideshare, Flikr y Instagram y una canal en Youtube.

Chestión d'a colección

• Bibliografía recomendata ta las asignaturas de diferents titols.
• Recursos ta la investigación. A traviés de coleccions y servicios de refirme a la chestión d'a investigación.

Acceso a o documento

• Ampre interbibliotecario y fotodocumentación.

Referencia cheneral y especializata

• Resolución de consultas d'información cheneral y especializata de traza presencial, telefonica u electronica.

Formación d'usuarios

• Formación cheneral y especializata baixo demanda.
• Competencias informacionals.

L'acceso ubierto en a Universidad de Zaragoza

Dende 2008, a Biblioteca d'a Universidad de Zaragoza participa activament d'a filosofía de l'acceso ubierto a traviés d'o repositorio institucional Zaguán. En l'actualidat se composa d'una ampla colección de copias dichitals d'o fundo antigo d'a Biblioteca d'a Universidat, treballos academicos, libros, tesis, informes, pre-impresión d'articlos y fundos personals recibitos por legación u donación, como ye o d'o poeta Miguel Labordeta.

Distincions

A Biblioteca obtenió en 2011 o Siello d'a Excelencia Europea 400 por o suyo Sistema de Chestión, d'alcuerdo con os criterios d'o Modelo EFQM d'Excelencia, estando renovato en 2013, 2015, 2018 y obtenió en 2021 o Siello d'a Excelencia Europea 500. Igualment, en 2012 obtenió o reconoiximiento d'o Club Empresa 400 por parti d'o Instituto Aragonés de Fomento, y en 2013 o Siello d'Excelencia d'Aragón.

Vinclos externos

• Se veigan as imáchens de Commons sobre Biblioteca de la Universidad de Zaragoza.
• Universidat de Zaragoza
• Biblioteca d'a Universidat de Zaragoza (BUZ)
• Metabuscador Alcorze
• Zaguán: Repositorio Dichital d'a Universidat de Zaragoza
• La BUZ en os retz socials

• Datos: Q18615487
• Multimedia: Biblioteca de la Universidad de Zaragoza / Q18615487