Artrosi

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Mans con artrosi.

L'artrosi (d'o griego antigo ἄρθρον árthron "chugadero") y ωσις osis "condición") (u osteoartritis en a literatura medica anglesa) ye una malautía dechenerativa cronica de panda progresión comuna en a edat abanzada que afecta a las articulacions mobils d'o cuerpo caracterizada per dolor articular, sensibilidat accentuada, richidez, alteración en a mobilidat, crepitacions y derrame.

Se chenera a partir d'o danyo acumulativo provenient de lesions microscopicas y macroscopicas en ditas articulacions que activan una respuesta de reparación mal adaptada que incluye l'activación de vías proinflamatorias d'o sistema immunitario innato. O trestuque se manifiesta en primeras a livel molecular y celular (metabolismo anormal d'os teixius de l'articulación) seguiu d'alteracions anatomicas u fisiolochicas (degradación y perda d'o cartilago, remodelación d'o ueso, formación d'osteofitos, inflamación sinovial, esclerosi y engrosamiento d'o ueso subcondral y perda d'a función articular normal). O compromiso de l'anca y los chenullos son una causa comuna de discapacidat.

Se sabe que en Espanya la padeixe dica un 16% d'a población mayor de 20 anyos con prevalencia entre mullers.

Referencias

• Datos: Q62736
• Multimedia: Osteoarthritis / Q62736