Anamnesi
L'historial medico, historial clinico u anamnesi[1] (d'o griego αναμνησις anamnesis "remeranza")[2] de un pacient ye un conchunto d'información que os medicos recopilan mientres as entrevistas medicas. Implica a lo pacient, y eventualment a las personas amanadas a ell, pa recopilar información confiable/obchetiva pa chestionar o diagnostico medico y proposar tractamientos medicos eficients. As queixas medicament relevants comunicadas per o pacient u per atras personas que lo conoixen se denominan simptomas, a diferencia d'os signos clinicos, que se detectan per meyo de un examen directo per parti d'o personal medico. A mayoría d'os trobadas de salut resultarán en bella mena d'anamnesi. Os historials medicos vareyan en a suya profundidat y enfoque. Per eixemplo, un paramedico d'ambulancia de normal limitaría lo suyo historial a detalles importants, como lo nombre, l'historial de queixas, alerchias, etc. Per contra, un historial psiquiatrico gosa estar luengo y fundo, ya que muitos detalles sobre la vida d'o pacient son relevants pa formular un plan de maneyo d'una malotía psiquiatrica.
A información obtenida d'ista traza, de conchunta con a exploración fisica, permite a lo medico y atros profesionals d'a salut elaborar un diagnostico y un plan de tractamiento. Si no se puede fer un diagnostico, se puede formular un diagnostico provisional y se pueden adhibir atras posibilidaz (os diagnosticos diferencials), enumeradas en orden de prebabilidat per convención. Dimpués, o plan de tractamiento puede incluyir mas investigacions pa meter en claro lo diagnostico.
Referencias
[editar | modificar o codigo]- ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ (en) anamnesis en etymonline.com
| Control d'autoridaz |
|
|---|
