Almdudler
Laranjada | ||
---|---|---|
![]() Almdudler | ||
Orichen: | ![]() | |
Se bebe en: | Austria, Alemanya, Croacia, Belchica, y Suiza | |
Sabor: | Hierbas alpinas | |
Color: | Amariello | |
Lanzamiento: | 1957 | |
Web: | Pachina oficial |
Almdudler ye una limonada austriaca feita con extractos de hierbas. Fue creyada en os anyos 1950 por l'empresario vienés Erwin Klein y arribó a o mercau en l'anyo 1957. Dica 1973 a limonada yera producida por a propia interpresa de Klein, dende alavez nomás poseye a licencia d'a marca y o producto ye fabricau por atras interpresas. Almdudler se fabrica en l'actualidat en cuantos países d'Europa.
Historia
[editar | modificar o codigo]D'antis más se conoixeba como Almdudler a una mezcla de vino y limonada (Kracherl). Seguntes a interpresa, o nombre Almdudler procede d'a frase "dudeln auf der Alm" (o "Dudler" ye a forma vienesa d'o yodel u "canto a la tirolesa").[1] Se diz que l'inventor Erwin Klein (1924–1983) regaló a primera botella d'Almdudler a la suya muller Ingrid (1935–2017) en o día d'a suya voda, en 1957. Se considera que ixe estió o día en que se fundó a interpresa, que compartiba a partis iguals con a suya muller.[2]
En octubre de 1957, Erwin Klein prencipió a fabricar a suya limonada de hierbas en Weißgasse 3, en o districto 17 de Viena. Levaba tres anyos treballando en a receta.[3] Mientres a decada de 1960, a interpresa de Klein tenió a suya seu en o palacio Grassalkovics d'o districto 2 de Viena dica que vendió iste edificio historico a o Concello de Viena en 1975.
Posteriorment, Klein concedió a atras 350 embotelladeras o dreito a producir Almdudler dimpués de pagar os dreitos de licencia, tamién externalizó as vendas a traviés d'a gastronomía y o comercio a socios distribuyidors y se concentró en o marketing y a publicidat.[4][5]
A interpresa Almdudler Limonade A. & S. Klein GmbH & Co KG ye a franquiciadora d'Almdudler Limonade. Dica 1973, a interpresa produciba as suyas propias gaseosas y limonadas; dende 1973, nomás actúa como propietaria d'a marca. Amás d'embotelladeras en Austria, tamién n'i hai en Alemanya, Belchica y Suiza.[6]
Dimpués d'a repentina muerte d'Erwin Klein en l'anyo 1983, prenió o mando d'a interpresa o suyo fillo Thomas Klein (* 1963).[7] En 2004, Klein deixó a dirección y dende alavez ye President d'o Consello de Supervisión.[8] A dirección d'a interpresa Almdudler-Limonade A. & S. Klein GmbH & Co KG la prene en 2004 Gerhard Schilling.
Entremistanto, o embotellau ya no lo fa a propia empresa familiar, sino que se contracta a Vöslauer/Ottakringer, entre atros, a on o refresco sale d'a cadena de producción chunto con Pepsi-Cola y 7 Up, asinas como Egger (Spezi).[9][10]
Dende 2016, a interpresa familiar austriaca Pfanner (botella de PET) y a interpresa d'augua mineral Franken Brunnen (botella de vidre de 0,35 l) son socios distribuidors en Alemanya, y Stardrinks AG (filial de Heineken Switzerland AG) en Suiza.
Con motivo d'o 60 cabo d'anyo d'a marca en 2017, l'artista estausunidense Mel Ramos creyó un cuadro dito Almdudler’s Fabulous Blonde ("A fabulosa roya d'Almdudler").[11][12]
Cifras
[editar | modificar o codigo]En l'actualidat, o 99% d'os austriacos conoixe ista limonada de hierbas (fuent: Spectra Marktforschung 2005). Almdudler ocupó o seteno puesto en o mayor estudio de marcas feito en Austria. O dito Brand Asset Valuator de l'achencia Young & Rubicam mide a valor d'a marca dende o punto d'anvista d'o consumidor, y os 2.000 enquestaus votoron a Almdudler como a unica marca de bebidas austriaca entre as 10 primeras.
Cada anyo se producen más de 80 millons de litros de Almdudler; en 2010, o 14% d'o total d'a vendas s'embotelloron y distribuyioron en mercaus estranchers, y en 2014, o 20%.[1][13]
Referencias
[editar | modificar o codigo]- ↑ 1,0 1,1 (de) Almdudler – das Unternehmen und seine Geschichte
- ↑ (de) Almdudler-Eigentümerin Ingrid Klein verstorben
- ↑ (de) Eine Flasche Heimat – Erwin Klein kreierte mit der Kräuterlimonade "Almdudler" eine identitätsstiftende Österreich-Marke Wiener Zeitung, 5 d'agosto de 2006.
- ↑ (de) format.at – Ein starkes Pärchen – Österreichs Kult-Kräuterlimo Almdudler will zum 50. Geburtstag noch einmal groß rauskommen und setzt auf Internationalisierung.
- ↑ (de) https://web.archive.org/web/20141221001357/http://wirtschaftsblatt.at/archiv/1014333/index Wirtschaftsblatt – Almdudler ist Wiens bestes Familienunternehmen].
- ↑ (de) firmenabc.at – "Almdudler-Limonade" A. & S. Klein GmbH & Co KG.
- ↑ (de) Kurzbiographie von Thomas Klein
- ↑ (es) diepresse.com - Thomas Klein: Die Marketing-Coups des Mr. Almdudler.
- ↑ (de) Almdudler beendet Zusammenarbeit mit Coca-Cola.
- ↑ (de) Vöslauer: Lizenzprodukte als Ladenhüter
- ↑ (de) Almdudler Pop Art zum 60. Geburtstag: Mel Ramos Gemälde im Kunsthistorischen Museum Pressemeldung Almdudler, 17. Okt. 2017
- ↑ (en) Mel Ramos: The Definitive Catalogue Raisonné of Original Prints (S. 196–197), Verlag für moderne Kunst, Viena, Austria, 2019, ISBN 978-3-8349-1082-0.
- ↑ (de) karriere.de – Almdudler: Der Kräuterzwerg aus den Bergen.