Theodor II. Laskaris

Theodor II. (Byzanz)
Kaiser vo Nikaia (Kaiser vom Byzantinische Riich im Exil)
Theodor II. Laskaris (XV. Joorhundert)
Regierigsziit	1254–1258
Uf d Wält cho	öbbe 1222
Geburtsort	Nicaea
Gstorbe	18. August 1258 (im Alter vo 36)
Dodesort	Magnesia
Vorgänger	Johannes III.
Nochfolger	Johannes IV.
Verhürotet mit	Elena vo Bulgarie

Dr Theodor II. Laskaris (middelgriech. Θεόδωρος Β' Λάσκαρης; * 1223; † 18. August 1258) isch vo 1254 bis zu sim Dood dr Herrscher vom Kaiserriich Nikaia und dr byzantinisch Kaiser im Exil z Nikaia gsi.

Dr Theodor isch 1223 as Soon vom Kaiser Johannes III. Dukas vo Nicäa uf d Wält cho. 1235 het er d Dochder vom Zar Johannes II. vo Bulgarie, d Helena Arsen, ghürootet und si häi zää Chinder überchoo, zwäi Buebe und acht Mäitli. Am 3. Novämber 1254 isch er zum Kaiser vo Nicäa kröönt worde.

Dr Theodor II. het brobiert, die westligi und die östligi Chille z versööne. Er isch aber vor allem dur zwäi Fäldzüüg bekannt, won er Thrakie und Makedonie bsetzt het. Innepolitisch het er d Bildig und d Wüsseschaft gförderet, und si Riich het under em e kulturelli Blüetezit erläbt. S ussepolitische Hauptziil, Konstantinopel zruggzeroobere, isch em aber nid glunge. Er isch chränklig gsi und scho früe gstorbe. Wäge däm het er sini Fähigkäite as Regänt nid voll chönne entfalte.

Si minderjöörig Soon Johannes IV. Laskaris isch noch em Dood vo sim Vater 1258 offiziell Kaiser worde, isch aber nume bis ins Joor 1259 an dr Macht bliibe. Dr General Michael Palaiologos het sich zum Herrscher ufgschwunge, het dr Johannes lo blände und het en in e Chloster gschickt.

Weblingg und Kwelle

• geschichte-online.info mit ere Liste vo de Byzantinische Kaiser
• Google Books mit eme Buech über Byzanz, uf dr Seite 367 über e Theodor II.

Fuessnoote

Vorgänger Johannes III.

Kaiser vo Byzanz 1254–1258

Nochfolger Johannes IV.

Dä Artikel basiert uff ere fräie Übersetzig vum Artikel „Theodor_II._(Byzanz)“ vu de dütsche Wikipedia. E Liste vu de Autore un Versione isch do z finde.