Staatssekretariat Wohleb

S Staatssekretariat Wohleb isch im Land (Sid-)Bade vum 3. Dezämber 1946 bis zum 26. Juni 1947 e Art provisorischi Regierig gsii, wu di franzesisch Militerregierig berote het. S het dodermit nonig di volle Kompetänze vun ere Exekutive ghaa. Gegeniber dr Berotende Landesversammlig isch s Staatssekretariat nit verantwortli gsii. S het aber in änger Abstimmig mit däre un mit dr franzesische Militerregierig ghandlet. Ass s Staatssekretariat yygsetzt woren isch, isch allgmain as e negschte Schritt in d Demokraty aagluegt wore.

Vorgänger vum Staatssekretariat isch e Direktorium gsii. S Direktorium het am 22. Novämber 1946 sy Ruggdritt verchindet, wel di Berotend Landesversammligsi an däm Dag konschtituiert ghaa het. Di franzesisch Militerregierig het dr Ruggdritt am 2. Dzämber 1946 gnämigt un per 3. Dezämber isch an d Stell vum Direktorium s Staatssekretariat drätte, wu us 6 Staatssekreter un 4 Staatskommissar bstande isch un wu dr Leo Wohleb dr Br3esidänt dervu gsii isch.

S Staatssekretariat Wohleb isch am 10. Mai 1947 per 17. Mai zruggdrätte, wel no dr Landdagswahl vum 18. Mai 1947 e Regierig uf barlemäntarischer Grundlag het soll chuu. Wel si d Verhandlige iber d Bildig vun ere Koalitionsregierig hiizoge het, isch s Staatssekretariat aber bis 6. Augschte gschäftsfierend im Amt blibe un isch derno dur s Kabinett Wohleb I abglest wore.

Amt	Name	Bartei
Bresidänt vum Staatssekretariat	Leo Wohleb	BCSV
Staatssekreter vum Innere	Marcel Nordmann	SPB
Staatssekreter fir Juschtiz	Richard Streng (ab 31. März 1947)	barteilos
Staatssekreter fir Kultus, Unterricht un Erzieig	Leo Wohleb	BCSV
Staatssekreter vu dr Finanze	Paul Waeldin	DemP
Staatssekreter fir Landwirtschaft	Anton Hilbert	BCSV
Staatssekreter fir Wirtschaft un Arbet	Friedrich Leibbrandt	SPB
Staatskommissar fir Ernehrig	Anton Dichtel	BCSV
Staatskommissar fir Boscht un Yysebahn	Johann Weisser	DemP
Staatskommissar fir Widerufböu	Erwin Eckert	KPB
Staatskommissar fir di Bolitisch Syferig	Richard Streng (bis 31. März 1947) Walter Nunier (ab 2. April 1947)	barteilos barteilos

Literatur

• Alfred Schühly: Neubeginn in Baden 1945, Anmerkungen zu einer Rede von Leo Wohleb am 7.1.1947. In: Paul-Ludwig Weinacht (Hrsg.): Leo Wohleb – der andere politische Kurs. Verlag Rombach, Freiburg 1975, ISBN 3-7930-0102-4, S. 81–86.
• Martin Furtwängler: Ministerlisten. In: Meinrad Schaab, Hansmartin Schwarzmaier (Hrsg.) u. a.: Handbuch der baden-württembergischen Geschichte. Band 5: Wirtschafts- und Sozialgeschichte seit 1918, Übersichten und Materialien, Gesamtregister. Hrsg. im Auftrag der Kommission für geschichtliche Landeskunde in Baden-Württemberg. Klett-Cotta, Stuttgart 2007, ISBN 978-3-608-91371-2, S. 497–498.
• Klaus-Jürgen Matz: Das Land Baden 1945–1952. In: Meinrad Schaab, Hansmartin Schwarzmaier (Hrsg.) u. a.: Handbuch der baden-württembergischen Geschichte. Band 4: Die Länder seit 1918. Hrsg. im Auftrag der Kommission für geschichtliche Landeskunde in Baden-Württemberg. Klett-Cotta, Stuttgart 2003, ISBN 3-608-91468-4, S. 477–517.
• Karl Stiefel: Baden 1648 – 1952. Band I, Karlsruhe 1979, S. 393.

Fueßnote

Dä Artikel basiert uff ere fräie Übersetzig vu dere Version vum Artikel „Staatssekretariat_Wohleb“ vu de dütsche Wikipedia. E Liste vu de Autore un Versione isch do z finde.