Russisches Kaiserreich

Россійская Имперія Rossijskaja Imperija Russischs Riich 1721–1917
Faane Wabbe
Motto: Съ нами Богъ! („Gott isch mit is!“)
← Navigation →
Verfassig	Staatsgrundgsetz vom Kaiserriich Russland vom 23. April 1906
Amtssprooch	Russisch
Anderi Sprooche	Ukrainisch, Wissrussisch, Finnisch, Estnisch, Lettisch, Litauisch, Polnisch, Rumänisch, Dütsch, Schwedisch, Krimtatarisch, Georgisch, Armenisch, Griechisch, Kasachisch, Usbekisch, Kirgisisch, Turkmenisch, Tadschikisch, Mongolisch, Mandschurisch, Paläosibirischi Sprooche, Obugrischi Sprooche und anderi.
Hauptstadt – 1721 bis 1728 – 1728 bis 1730 – 1730 bis 1917	St. Petersburg Moskau St. Petersburg
Staatsform	Absoluti Monarchii
Regierigsform	Autokratii
Staatsoberhaupt	Kaiser
Regierigsschef	Brömieminister (1905–1917)
Flechi – 1866 – 1914	24.458.509 km² 21.799.825 km²
Iiwooner – 1916	ca. 181.537.800
Bevölkerigsdichti	8,1 Iiwooner pro km²
Wäärig	Russische Rubel
Gründig	1721
Unabhängigkeit	Bis 3. Merzjul./16. Merzgreg. 1917
Nationalhymne	Bosche, Zarja chrani!
Charte
S Russischs Kaiserriich mit Iiflusszone (hellgrüen) 1865
S Russische Kaiserriich 1912

S Russische Kaiserriich (offizielli Staatsbezäichnig: russisch (Все-)Росси́йская импе́рия, Transkripzion: (Wse-)Rossijskaja imperija, uf Dütsch: (All-)Russischs Imperium) isch näbe Kaiserriich Russland dr Naame, wo in dr Gschichtswüsseschaft gebrüüchlig isch für s Russische Riich im Zitruum vo 1721 bis 1917. Au d Bezäichnige Russischs Zareriich und zaristischs Russland wärde brucht, au wenn dr Zar Peter dr Grooss dr Zareditel 1721 dur e Ditel vom Kaiser ersetzt het.

Dr Flechi nooch isch s Riich in dr Middi vom 19. Joorhundert am grösste gsi und s drittgrösste Riich in dr Wältgschicht (noch em Britische Wältriich und em Mongolische Riich). In dr Nöizit isch es s gröösste zämmehängende Riich gsi. Es isch as Folg vo dr Februarrevolution 1917 undergange.

Geografii

Zwüsche 1742 und 1867 het s Kaiserriich die baltische Staate (Estland, Lettland, Litaue), Finnland, östligi Däil vo Pole, d Nordost-Türkei und Alaska erooberet und isch eso noch em Mongolische Riich dr grösst Staat in dr Gschicht worde.

S Riich het 1917 an zää Nochberstaate gränzt: Norwääge, Schweede, s Dütsche Riich, Ööstriich-Ungarn, Rumänie, s Osmanische Riich, Persie, Afghanistan, China und an s japanische Korea. Es het au an d Ostsee gränzt, an s Schwarze Meer, s Kaspische Meer, dr Pazifisch Ozean, s Ochotskische Meer, s Beringmeer, die Ostsibirischi See, d Laptewsee, d Karasee, d Barentssee und an s Wisse Meer.

S Territorium het zletscht öbbe 21,8 Millione Kwadratkilometer umfasst, fast e Säggstel vom Festland vo dr Ärde. In West-Ost-Richdig, vom Schwarze Meer und dr Ostsee bis zum Pazifische Ozean si s fast 10'000 Kilometer gsi. Vo Norde uf Süde het s en Usdeenig vo fast 5000 Kilometer ghaa. S Riich isch in 11 vo de 24 Zitzone vo dr Wält glääge.

1897 het die ersti gsamtrussischi Volkszelig stattgfunde, und mä het 125'640'021 Iiwooner zelt. Finnland, Buchara und Chiwa si do nid iigschlosse.

Litratuur

• Andreas Kappeler: Russland als Vielvölkerreich. Entstehung – Geschichte – Zerfall. C. H. Beck, München 2001, ISBN 3-406-47573-6
• Hartwig Ludwig Christian Bacmeister: Kurze Geographie des Russischen Reiches, Reval 1773
• Christian Bacmeister: Geographisch-physikalische und naturhistorische Beschreibung des russischen Reiches…, Königsberg 1797
• Hermann Schreiber: Liebe, Macht, Verbannung. Frauenschicksale im Zarenreich. Casimir Katz, Gernsbach 2009, ISBN 978-3-938047-45-3.

Weblingg

 Commons: Russian Empire – Sammlig vo Multimediadateie

• Website über s Russische Riich (russisch)
• Farbfotografie us dr Zit vom Russische Riich (änglisch)