Nikarawa
Nikarawa oder Nikaruha isch e luwischi Gotthait gsii. Si isch nume us hieroglypheluwische Inschrifte us de neohethitische Zitt bikannt. E Fluech inere Inschrift vom König Yarri vo Karkamis droot dodemit, as d Hünd vo de Gotthait Nikarawa de Chopf vomene Übeltääter fresse sölid. En andere Fluech innere Inschrift usem Land Tabal sprecht ebefalls Drooig uss, as d Gotthait Nikaruha de Übeltääter fresse söll. E dritti Inschrift nennt „Marwawannissa Nika […]“. Wenn de Name die Gotthait maint, denn ghört si zo de Marwainzi-Gotthaite.
De Ignace Gelb het vorgschlage, as die Gotthait möglicherwiis mit de mesopotamische Hailgöttin Ninkarrak gliichgsetzt were chönn. Wie anderi Hailgotthaite us dere Region hett si Hünd.
Literatur
[ändere | Quälltäxt bearbeite]- I. J. Gelb (1938): The Dogs of Nikarawas. In: The American Journal of Semitic Languages and Literatures 55(2), S. 200-203.
- Annick Payne: Iron Age Hieroglyphic Luwian Inscriptions. Society of Biblical Literature, Atlanta 2012, ISBN 978-1-58983-269-5.