Luana

Luana
Geburtsname	Stephanie Cea
Übername	Chéjah
Härkumft	Basel, Schwiiz
Genre	Hip-Hop
Beschäftigung	Sängere

D Luana (au bekannt als Chéjah, bürgerlige Name: Stephanie Cea) isch e Basler Rapperin und Sängerin. Si isch aini vo de erschte Rapperinne us dr Schwiiz.

Ufdritt und Ufname

D Luana rappt und singt normalerwys uf Änglisch, en Usnaam sin iri Stück uf em Wake Up Sämpler (en Anti-Droge-Projäkt), wo als Initiantekonzärt vom JKF gsi isch. Iren erschte Ufdritt hed si uf em erschte Fresh Stuff-Sampler gha, da isch dr erschti Schwytzer HipHop-Sampler gsi. Si hed unter anderem mit em Mad Professor zämegschafft und isch e Mitglid vo der Zulu Nation. Noch irem Langspil-Début hed si dr Name Chéjah aagnoo und e 2-Track Single usebrocht: I Had A Dream/G.O.D. (2000), R&B mit Rap und religiöser Usrichtig. Ihri letschte Ufnahme sin uf Ihrem Album Freedom und die kame uf i-groove.com finde sowie au uf Spotify. Im Novämber 2019 kunnt e Vinyl-Single use mit 2 Rap-Funk-Stück.

2019 isch si mit em Prince Whipper Whip und mit em Afrika Bambaataa z Paris ufdrätte.

Si git jede Fritig im Musikpalast in Basel Gsangsstunde und isch im virtuelle Schwizer Hip-Hop-Museum verewigt.

Diskografî

LP

• Seriosistas
• Freedom

Single

• I Had A Dream/G.O.D. (2000)

Weblink

• Interview mit dr Luana
• mx3.ch/luana
• reverbnation Luana Oldschool
• i-groove Luana Freedom
• soundcloud.com / luanastefystef