Kumaragupta I.

Kumaragupta I.
Kaiser vo Gupta
Münze mit eme Bordret vom Kumaragupta uf dr Vordersite und eme Garuda uf dr hindere Site (Durchmässer: 14 mm)
Regierigsziit	414–455 n. d. Z.
Vorgänger	Chandragupta II.
Nochfolger	Skandagupta

Dr Köönig Kumaragupta I. (au Kumara Gupta, Mahendraditya; † 455) het vo 415 bis 455 im nordindische Riich vo de Gupta gherrscht.

D Inschrifte vo Bilsad si dr eltiste Noochwiis vo sinere Heerschaft. Si göön uf s Joor 96 vo dr Ziträchnig vo Gupta zrugg, s Joor 415.

Dr Soon vom Chandragupta II. het lang regiert und in dere Zit s Riich innerlig konsolidiert. Er isch zwar Hindu gsi, isch aber bekannt für si religiöösi Toleranz und umfangriiche Stiftige an hinduistischi, buddhistischi und jinistischi Chlöster. Die buddhistische Chlöster häi sich zu Finanzzentre entwicklet, und die hinduistische häi iire Landbesitz mee und mee vergröösseret.

Am Ändi vo dr Regierigszit vom Kumaragupta I. het dr Brinz Skandagupta s Riich vor eme groosse Ufstand vom Stamm vo de Pushyamitras am Narmada-Fluss grettet. En Inschrift verzellt, ass dr Kumaragupta I. ere Hunneschlacht gfalle sig und ass dr Skandagupta d Hunne gschlaage het. Dr Skandagupta (reg. 455-67) het dr Chronbrinz Purugupta verdrängt, het 458 d Huna, die sogenannte Wisse Hunne, no chönne abweere und isch dr vorletscht bedütendi Gupta-Köönig gsi.

Dä Artikel basiert uff ere fräie Übersetzig vum Artikel „Kumaragupta_I.“ vu de dütsche Wikipedia. E Liste vu de Autore un Versione isch do z finde.