Kiel
| Wappe | Dütschlandcharte | |
|---|---|---|
_COA.svg)
|
| |
| Basisdate | ||
| Dialekt: | Nyderdytsch | |
| Hauptvariante: | Weschtnyderdytsch | |
| Regionalvariante: | Holsteinisch | |
| Lokalvariante: | Kieler Platt | |
| Verbreitig: | als Umgangssproch fast völlig durch Hochdytsch verdrängt | |
| Bundesland: | Schleswig-Holstein | |
| Höchi: | 5 m ü. NHN | |
| Flächi: | 118,6 km² | |
| Iiwohner: |
247.717 (31. Dez. 2022)[1] | |
| Bevölkerigsdichti: | 2089 Iiwohner je km² | |
| Poschtleitzahle: | 24103–24159 | |
| Vorwahl: | 0431 | |
| Kfz-Chennzeiche: | KI | |
| Gmeischlüssel: | 01 0 02 000 | |
| Stadtgliderig: | 18 Ortsbezirk mit 30 Stadtdeil | |
| Webpräsenz: | ||
| Oberburgermeischter: | Ulf Kämpfer [2] (SPD) | |
| Lag vo dr Stadt Kiel z Schleswig-Holstein | ||
 | ||
Kiel (IPA: [kʰiːl] (hochdütsch)) isch e kreisfreii Stadt i de Mitti vom düütsche Bundesland Schleswig-Holstei, wo s au d Hauptstadt dervo isch.
Geografy
[ändere | Quälltäxt bearbeite]Kiel isch eini vo de wichtigste Naturhäfe an de Ostsee. Durch Kiel lauft trotz de Lag an de Ostsee d Wasserscheid zu de Nordsee. De Eider, wo in d Nordsee mündet, beriehrt s Kieler Stadtgebiet, usserdem ändet de Nord-Ostsee-Kanal im Stadtdeil Kiel-Holtenau. D Umgebig vo Kiel isch vo Moränehügel prägt und goht direkt in die Holsteinischi Schwiz über.
Gschicht
[ändere | Quälltäxt bearbeite]1233 hät mer uff re Halbinsle, wo hütt s „Kleine Kiel“ isch, d Holstenstadt tom Kyle gründet. 9 Johr spöter hät mer em d Stadträcht verliehe.
Churz noch em Änd vom Drißigjöhrige Krieg, im Johr 1665, isch d Universität z Kiel gründet worre.
Wyl Kiel 1871 de Hauptmarinestützpunkt worde isch, isch es innerhalb vo rächt churzer Zit e Großstadt worre. Sither sin de Schiffbau und d Fischindustry wichtigi Branche für Kiel. Werfte wie d Howaldswerk und d Lindenau-Werft schaffe Arbetsplätz und und sin wältbekannti Undernehme.
Noch de Zerstörige im Zweite Wältchrieg, wo öppe 80 Prozänt vo de Hüüser vo Kiel kabut ggange sin, isch d Stadt gänzlig repariert worde.
Sprooch
[ändere | Quälltäxt bearbeite]Z Kiel dominiert hüt di hochdüütsch Sprooch. Die alt Mundart, wo zum Weschtniderdüütsche ghört, chönne no vill Lüüt.
Wirtschaft
[ändere | Quälltäxt bearbeite]De Schiffbau mit de 17 Kilometer lange Förde prägt scho lang s Stadtbild. Einewäg sin 75 Prozänt vo de Kieler in de Dienschtleistigsbranche beschäftigt,[3] so z. B. uff de Bank. Als Hauptstadt vo Schleswig-Holstei hät Kiel als Standort vo Behörde, Verwaltigszentrale, Hochschüel etc. e Bedytig für s restlige Bundesland. Für d Wirtschaft entscheidend isch noch wie vor au d Nöchi zum Wasser.
Zämme mit de Nochberstädt Eckernförde, Rendsburg und Neumünster hät Kiel vo 1991 bis 2008 zu de Region «KERN» ghört, wo rund 700'000 Mensche beheimatet.[4]
Kultur und Freizit
[ändere | Quälltäxt bearbeite]Jedes Johr findet z Kiel d Kieler Wuch statt, wo wältbekannt isch. Bi derre handelt s sich um s gröschte Segelsportereignis vo de Welt; Gäst chömme in säller Wuch vo überall her uff Kiel. Näbe de Kieler Wuch finde au Windjammer-Renne statt.
Im Berych vom widderuffbaute Schloss sin die meiste kulturälle Yrichtige z finde. So z. B. s gnännte Schloss, d Kunschthalle und de Warleberger Hof. Au s Ykaufszentrum und d Stadtgalery sin in dem Stadtviertel z finde.
Jöhrlich findet im Kieler Umland s Schleswig-Holstei-Musik-Festival statt.
Usserdem findet mer z Kiel vyli Badeort. Bekannt isch Kiel au für de Segelsport sowie Erholigs- und Entspannigsrüm.[5]
Sache zum aaluege
[ändere | Quälltäxt bearbeite]- Roothus. S Gebäude isch 1911 baut worde, wyl s aber z chlei worde isch, wird s nümmi brucht. Mer ka dört trotz de Zerstörige im Zweite Wältchrieg uff s Wohrzeiche vo de Stadt, de 107 Meter hoche Roothusturm, uffestyge oder -fahre.
- S Oprehus isch e näbem Roothus gläges Touristezyl.
- S alte Hauptgebäude vo de Sparkasse vo 1910 isch noch em Schade vom Zweite Wältchrieg lang restauriert worre. Attraktiv an dem Gebäude sin d Architektur und de Usblick.
- Fördetower. Isch Ende 90er baut worre. S moderne Gebäude mit schräger und dreistufiger Site zum Hafe ane hät e spezielli, ruchsichtigi Fassade. Bi de richtige Ystrahlig vom Sunnelicht wirkt s wie wenn e rysigs Schiff in de Hafe ylaufe dät.
- Franziskanerkloster. Wie alt säll Gebäude wirklig isch, weiß mer nit. De Legände noch hät s de Stadtgründer erbaut. Mer cha Fragmänt vo einzelne Deil vom Chloster besichtige. Hütt wird s als Theologischs Studiehus Kieler Kloster gnutzt.[6]
Lüüt
[ändere | Quälltäxt bearbeite]- Klaus Groth, Mundartschriftsteller und Dialäktoloog
Weblink
[ändere | Quälltäxt bearbeite]
Commons: Kiel – Sammlig vo Multimediadateie- Offizielli Website vo Kiel
- Kiel – Stadt vom Sägle
- Kiel einst und jetzt – Historische und aktuelle Ansichten
Quelle
[ändere | Quälltäxt bearbeite]- ↑ Statistikamt Nord – Bevölkerung der Gemeinden in Schleswig-Holstein 4. Quartal 2022 (XLSX-Datei) (Fortschreibung auf Basis des Zensus 2011).
- ↑ Oberbürgermeister Dr. Ulf Kämpfer Archivlink (Memento vom 20. Februar 2015 im Internet Archive)
- ↑ Bundesdurchschnitt: 50 Prozent
- ↑ Schleswig-Holstein in Zahlen kiel-magazin.de
- ↑ www.burschenschaft.de Archivlink (Memento vom 20. Oktober 2007 im Internet Archive)
- ↑ Kieler Kloster – ehemaliges Franziskanerkloster under Sehenswertes uf kiel-magazin.de