Internet Explorer
| Windows Internet Explorer | |
|---|---|
| |
| Basisdate | |
| Entwickler | Microsoft Corporation |
| Erschynigsjohr | 1995[1] |
| Aktuelli Version | 11.0.200 (KB4565479) (13. Juli 2020) |
| Betribssystem | Windows, frühner au Mac OS, Unix |
| Programmiersproch | C |
| Kategorii | Webbrowser |
| Lizänz | Proprietär |
| Dütschsprochig | ja |
| windows.microsoft.com | |
Dr Internet Explorer isch en Webbrowser, wo vu Microsoft entwickelt worden isch. Afangs hett er no Teil us'm erschte Webbrowser NCSA Mosaic gha, hett sich aber im Lauf vu dr Zyt zunem eigenem Browser entwickelt. Zum erschte Mol isch er 1995 mit Windows 95 usgliefert worde. Momentan isch er i'de Version 10 dusse. Es Zytli lang isch dr Internet Explorer au für Unix-artigi System und Mac OS entwickelt worde. Dr Internet Explorer für Mac isch e eigeständigi Software gsi (Codenamme Tasman), wo - im Gegesatz zue dr Windows-Version (Trident) e vorbildlichi Unterstützig vu CSS-Standards un au vu PNG mit Alpha-Transparenz het.
Gschicht
[ändere | Quälltäxt bearbeite]Dr Internet Explorer isch wie dr Netscape Navigator us'm NCSA Mosaic entstande. Dr Browser isch sit Windows 95 en wichtige Teil vum Windows-Betriebsystem, was drzue gfüehrt hett, dass bis vor wenige Johr dr Internet Explorer es Monopol gfüehrt hett. Das ganze isch ab dr Version 4.0 passiert. Mit dere Version isch au dr Active Desktop ihgfüehrt worde. Das Modul ermöglicht das automatische Aktualisiere vu Websitene, Wetterchartene, Aktiekursene und anderne Darstellige. Es isch so zsäge en Vorläufer vu AJAX xi. Mitm Update uf'd Version 4.0b1 het dr Internet Explorer zum erschte Mal PNG-Grafike chönne Ahzeige, das jedoch zum Teil sehr fehlerhaft und ohni Alpha-Transparenz.
Ab dr Version hets Unterstützig vu bidirektionalem Text, Ruby-Markup, XML und MHTML geh. I de nöchschte Version, Internet Explorer 5.5, hets e Verbesserig vu dr Druckvorschau, dr CSS- und HTML-Unterstützig sowie dr Unterstützig vu Programmierschnittstellene geh.
Mit Windows XP isch die sechst Version usecho. Sie hett e verbesserti Unterstützig vu CSS 1, DOM 1 und SMIL 2.0 brocht. Drzue isch d'XML-Unterstützig, e Medie-Symbolleischte und e Bilder-Symbolleischte erwytert worde. Usserdem isch d'Benutzerschnittstelli überarbeitet worde, so dases sich am Ussehe vu Windows XP ahpasst hett. Ab 9. September 2002 isch ds Service Pack 1 für dr Internet Explorer 6 veröffentlicht worde, wo zahlrichi Sicherheitsproblem behobe hett, aber drvo kei grundlegendi Änderige brocht hett. Im Auguscht 2004 isch s'zweite Service Pack für Windows XP und dr Internet Explorer 6.0 veröffentlicht worde. Im Gegesatz zum erschte Service Pack, hets jetzt verschideni Ernürige geh, unter anderem en Pop-up-Blocker und e Verwaltig für Browserzuesätz (Plugins). D Version 9, wo CSS3 und HTML5 understützt, isch nume no uf Windows Vista und Windows 7 gloffe, mit Windows 8 chunnt dr Internet Explorer 10.
|
Dä Artikel basiert uff ere fräie Übersetzig vum Artikel „Internet_Explorer“ vu de dütsche Wikipedia. E Liste vu de Autore un Versione isch do z finde. |
- ↑ Web-Browser von Microsoft – Der Internet Explorer geht in Rente. Als Microsoft seinen Explorer 1995 startete, war der Konzern aus Seattle die unangefochtene Nummer 1 - sowohl mit seinem Windows-Betriebssystem als auch im Web.