euch-enk-Linie
| Dialäkt: Undermarkgreflerisch |
D euch-enk-Linie oder au Lech-Linie wird in dr Sprochwisseschaft d Isoglosse gnännt, wu di bairisch Form enk fir 2. Person Plural Dativ/Akkusativ vum Personalpronome vu dr Grundform euch im Oschtfränkisch bzw. im Schwebisch drännt. D euch-enk-Linie bildet im Norde d Gränze vum bairische zum oschtfränkscihe un im Weschte d Gränze zum schwebische un dodermit zum alemannische Dialäktruum. Wel si im Weschte im Große un Ganze am Lech verlauft, wird si au Lech-Linie gnännt. In dr eltere Sprochwisseschaft het mer si as Dail vu dr Karlsruher Linie aagsääne.
Verlauf
[ändere | Quälltäxt bearbeite]D euch-enk-Linie fangt an dr Siidgränze vum dytsche Sproochruum aa as Gränze zwisch em bairische Tirol un em alemanische Vorarlberg. Eschtlig vu Füssen chunnt si iber di dytsch-eschtrychisch Gränze un goot derno iber Landsberg - Augschburg - Wertlenge - Monheim bis uf Oettingen, wu si no Nordoschte abbiegt. Derno goot si iber Weissenberg – Abenberg – Allerberg – Nürnberg – Hersbruck – Auerbach bis uf Goldernach. Bi Wunsiedel chunnt si an di dytsch-tschechisch Gränze un dodermit an di hitig Oschtgränze vum dytsche Sproochruum. Friejer isch si no wytergange iber Asch – Eger – Graslitz – Duppau bis uf Karlsbad.
Literatur
[ändere | Quälltäxt bearbeite]- Digitaler Wortatlas, Wenker-Karte euch/enk für das Deutsche Reich (Site cha nüme abgrüeft wärde; Suche im Webarchiv)
- Werner König: dtv-Atlas zur deutschen Sprache, Deutscher Taschenbuch Verlag 1978, 9. Auflage, ISBN 3-423-03025-9, S. 230/231