Eosphoros

e Gmööld Phosphorus und Hesperus usem Joor 1881 vo de Evelyn de Morgan

De Eosphoros oder Phosphoros isch de griechisch Gott vom Morgestern. Er isch de Soo vo de Morgerööti, de Eos und em Astraios und de Brüeder vo de Wind Boreas, Zephyros und Notos. Au de Oobedstern Hesperos gelt as siin Brüeder. Mit de Philonis hett er drai Chind ghaa, de Keyx, de Daidalion und d Leukonoe. Dargstellt woren isch er as e blutte gflöglete Jüngling mitere Faggle i de Hand. D Römer hend en mitem Lucifer gliichgsetzt.

Literatur

• Edward Tripp: Reclams Lexikon der antiken Mythologie. Stueggert, 1991. ISBN 3-15-010371-1