El Salvador

	República de El Salvador; Republik El Salvador
{{{ARTIKEL-FLAGGE}}}	{{{ARTIKEL-WAPPEN}}}
	Wahlspruch: Dios, Unión, Libertad; (Spanisch für „Gott, Einigkeit, Freiheit“)
Amtsspraach	Spanisch
Hauptstadt	San Salvador
Staatsoberhaupt und Regierigschef	Nayib Bukele
Flächi	21041 km²
Iiwohnerzahl	7.332.000
Bevölkerigsdichti	332,6 Iiwohner pro km²
Bruttoinlandsprodukt nominal (2007)	20.373 Mio. US$ (92.)
Bruttoinlandsprodukt pro Iiwohner	2.857 US$ (102.)
Human Development Index	0,659 (90.)
Währig	US-Dollar Bitcoin (Colón uslaufend)
Unabhängigkeit	13. April 1838 vo dr Zentralamerikanische Konföderation erklärt
Nationalhimne	Saludemos la Patria orgullosos
Zitzone	UTC−6
Kfz-Kennzeiche	ES
Internet-TLD	.sv
Vorwahl	503

El Salvador (spanisch: Dr Heiland oder Der Erretter) isch e Staat in Zentralamerika und gränzt an Guatemala, Honduras und an dr Pazifik. El Salvador lit im en Ärdbebegebiet und isch s chliinste Land in Mittelamerika, het aber die höchsti Bevölktigsdichti.

Geografii

Mit ere Flechi vo 21.041 km² isch El Salvador öbbe so gross wie Hesse. Im Süde gränzt s an dr Pazifik und dr Golf vo Fonseca mit ere Küstelengi vo 307 km. Es het as einzigs Land in Mittelamerika kei diräkte Zuegang zum Karibische Meer.

El Salvador isch prägt dur e Chetti vo Vulkan, wo s Land grob in drei Regione iideilt: dr südlig Küstestreife, die zentrale Hochebene und Däler und die nördlige Bärg. Dr höchst Bärg isch dr El Pital (2730 m) an dr Gränze zu Honduras. Dr höchst Vulkan isch dr Santa Ana im Weste mit ere Höchi vo 2365 m. Dr lengst Fluss isch dr Río Lempa mit 320 km uf salvadorischem Staatsgebiet (422 km im Ganze).

Die grösste Stedt si (Stand 1. Januar 2005): San Salvador 525.990 Iiwohner, Soyapango (329.708 Iiwohner), Santa Ana (176.661 Iiwohner), San Miguel (161.880 Iiwohner), Mejicanos (160.317 Iiwohner), Santa Tecla (124.694 Iiwohner) und Apopa (112.158 Iiwohner).