Durga

D Durga (Sanskrit: दुर्गा, Durgā f.) isch e wichtigi Göttin im Hinduismus und isch di wildi Form vo de Devi.

D Durga isch di wildi Form vo de Frau vom Shiva im Gegesatz zu de milde Parvati. Im Kult und Mythos isch si aber nöd eng mitem Shiva verbunde und handlet mee aigestädig. Si agiert bsunders as Gegneri vo Dämone. Dargstellt werd d Durga mit acht Ärm, i dene hebt si Waffe und Musiginstrument, so e Schwert, e Draizack, e Pfiil, e Chüüle, e Rad, e Muschelhorn, e Drommle, e Glogge und so witter. Um de Hals trait si mengisch e Chetti us Mentscheschädel. Eres Riittier (vāhana) isch de Tiger.

Büecher

Hans Wilhelm Haussig (Hg.): Götter und Mythen des Indischen Subkontinents. Stuttgart: Klett-Cotta (1984). ISBN 3-12-909850-X