Belz

Bălți ([ˈbəltsʲ], russisch Бельцы/Belzy, ukrainisch Бєльці/Bjelzi, dütsch Belz, jiddisch בעלץ/Belts) isch e Stadt z Moldawie. Si het 149'100 Ywohner (01.01.2011)^[1] und isch eso noch Chișinău (dütsch Kischinau) die zweitgrössti Stadt im Land, wenn mä Tiraspol nid in Betracht zieht, wo in Transnistrie lit, aber das isch hützudags de facto vo Moldawie unabhängig.

Belz isch s wichtigscht Industri-, Kultur- un Gschäftszentrum un s wichtigscht Verchehrsdräichrüz im Norde vo Moldawie. D Stadt lit in dr Belz-Steppe, rund 130 km nördlich vo Kischinau am Fluss Răut, eme Nebefluss vom Dnestr.

Im Johr 1620 isch Belz s erscht Mal gnennt worde als Teil vom Fürschtetum Moldau.

Quälle

↑ Biroul Național de Statistică al Republicii Moldova. Numărul populației stabile al Republicii Moldova la 1 ianuarie 2011, în profil teritorial (Memento vom 27. Jänner 2012 im Internet Archive). Biroul Național de Statistică al Republicii Moldova, 8 februarie 2011. Accesat la 15 februarie 2011.

[1] Biroul Național de Statistică al Republicii Moldova. Numărul populației stabile al Republicii Moldova la 1 ianuarie 2011, în profil teritorial (Memento vom 27. Jänner 2012 im Internet Archive). Biroul Național de Statistică al Republicii Moldova, 8 februarie 2011. Accesat la 15 februarie 2011.

[1]