Gaueschtei AG

S AG im Lemma isch s offiziell Chürzel vom Kanton Aargau und wird bruucht, zum Verwächslige mit Yträäg vom Name Gauestei vermyde, wo öppis anders meined.

Gaueschtei
Wappe vo Gaueschtei
Basisdate
Staat:	Schwiiz
Kanton:	Aargau (AG)
Bezirk:	Bruggw
BFS-Nr.:	4091i1f3f4
Poschtleitzahl:	5105
Koordinate:	652634 / 25215047.4180538.13611376
Höchi:	376 m ü. M.
Flächi:	5.68 km²
Iiwohner:	1669 (31. Dezämber 2022)
Website:	www.auenstein.ch
Blick uf Gaueschtei Blick uf Gaueschtei
Charte
Charte vo Gaueschtei ww

Gaueschtäi (schriftdütsch: Auenstein) isch en Iiwohnergmeind im Bezirk Brugg vom Kanton Aargau.

Geographi

Gaueschtäi lyt am linggen Ufer vo de Aare am Südhang vo de Gisliflue. S Dorf isch am Jurafuess öppe drei Kilometer nordweschtlich vo Länzbrg. Im Schachen a dr Aare unden isch d Baadi und s Chraftwäärch Robischwil-Gaueschtäi.

De Gmeindsbann het e Flächi vo 568 Hektare, dodevo sind 263 Hektare Wald und 100 Hektare sind überbaut. Di höchschti Stell vo de Gmeind isch uf de Kreete vo de Gisliflue mit 772 m, di tüfschti a de Aare unde mit 358 m ü. M.

D Nochbergmeinde vo Gaueschtäi sind Oberflachs und Välte im Norde, Mörike-Wildegg im Oschte, Robischwil im Süüde, Büberschtäi im Weschte und Tale im Nordweschte.

Mä chunt vo Wildegg uus über en alti Aarebrugg bim Ortsteil Au uf Gaueschtäi, und vo Robischwil häär goot au e Brugg über d Aare und dr Kanaal vom Chraftwäärch Robischwil-Gaueschtäi. Vom Doorff uus het’s schmaali Verbindigsstroosse dr Aare noo obsi uf Büberschtäi und übere Hoger uf Välten übere. E nöie chlyne Fuessstääg isch bim Schloss Gaueschtäi über d Aare.

Gschicht

S Dorf isch zum erschte Mol in ere Urkund us em Johr 1212 ufgschribe. Do heisst d Ortschaft Gowenstein. Vermuetlech chunt de Name vo de Burg Gaueschtäi, wo öppe um 1200 ufemene Felse am Rand vo de Auelandschaft vo de Aare baut worden isch. Am Aafang vom 14. Johrhundert isch d Burg in Bsitz vo de Herre vo Rynech choo und im 1389 isch si abebrönnt, wo d Bärner si aazündt hei.

Uf em Gmeindgebiet het d Zimäntfabrigg z Wildegg grossi Schteibrüüch us dr vordere Jurachetti usegsprängt, zum Chalch und Mergel abzboue. Jetz wärde die wider mit anderem Material uufgfüllt.

Bilder

• 
  di refermiert Chile vo Gaueschtäi
• 
  d Fäldschlössli-Dafele a dr «Schmitte» z Gaueschtäi
• 
  uf dr Gisliflue

Lüüt

• Beat Flach, Politiker

Literatur

• Alfred Lüthi: Auenstein. In: Historisches Lexikon vo dr Schwiiz.

Weblink

 Commons: Gaueschtei – Sammlig vo Multimediadateie

• Website vo de Gmeind Gaueschtei

Fuessnoote

Dä Artikel basiert uff ere fräie Übersetzig vu dere Version vum Artikel „Auenstein_AG“ vu de dütsche Wikipedia. E Liste vu de Autore un Versione isch do z finde.