Armlüchter

En Armlüchter isch zum eine d Bezeichnig für e spezielli Art vo Cherzeständer zum andere wirds aber au als Schimpfwort bruuchet.

Ä dreiermige Armlüchter us Messing, ohni Cherze

Cherzeständer

Dr Armlüchter (au Kandelaber) bestoht im allgemeine us emä Soggel, enerä zentrale Süüle, mit Ärm dra, wo mä cha Cherze drufstecke. D Zahl vo de Ärm isch im allgemeine ungrad. Sonigi Armlüchter si scho us em Altertum bekannt, denn het mä sä aber nit mit Cherze bestückt, wo denn nonig erfunde gsi si, sondern mit chliine Öl- oder Talglampe.

Ä bekannts Bispil für än Armlüchter isch d Menora, wo im jüdische Tämpel z Jerusalem gstanden isch und eis vo de wichtigste Symbol für s Judedum worde isch, und au uf em Wappe vom Staat Israel abbildet isch.

Schimpfwort

Wohär das z Schimpfwort chunnt weis me hüt nümme. Me nimmt aber a, das es us em Militär chunnt, wo mes als Ersatz für "Arschloch" brucht het. Armloch isch e säuteni Form, wo die beide Wörter vermischt si.

Weblink

 Commons: Armlüchter – Sammlig vo Multimediadateie