Musialanı Messi ilə müqayisə etdi

Əfsanəvi futbolçu Lotar Matteus “Bavariya”nın yarımmüdafiəçisi Camal Musialanı “İnter Mayami”nin hücumçusu Lionel Messi ilə müqayisə edib.

Allsport.az xəbər verir ki, Matteus Musialanın böyük potensiala sahib olduğunu deyib:

“Düşünürəm ki, Messinin potensialının limiti olmadığı kimi, Musialada da bu belədir. Camal yalnız titullar qazanmaq üçün deyil, həm də “Bavariya”nın siması kimi kluba lazımdır. Bu, pulun ala bilməyəcəyi dəyərdir. Onun bir çox uğura imza atacağına əminəm. Rəhbərlik onun şərtlərini qəbul edərək müqaviləsini yeniləməlidir”.

Daha əvvəl Musialanın “Bavariya” ilə müqaviləsini 2029-cu ilə qədər uzadacağı barədə məlumat yayılmışdı. O, cari mövsüm bütün turnirlərdə 13 oyun keçirib, 9 qol vurub və 3 məhsuldar ötürmə verib.