Van Antieke Grieks ἀστεροειδής (asteroeidḗs), van ἀστήρ (astḗr, “ster”) εἶδος (eîdos, “vorm”); gevestig deur William Herschel, wat dié voorwerpe "steragtig" genoem het.
Nota: Die term "asteroïed" is nie duidelik gedefinieer nie. Sommige sterrekundiges gebruik dit vir alle liggame wat kleiner as ’n planeet is en nie ’n komeet is nie; baie gebruik ander name vir sodanige voorwerpe wat verder as Jupiter se wentelbaan om die son wentel, soos sentoure, Kuipergordelvoorwerpe, trans-Neptunus-voorwerpe, ens. Ook die onderskeid tussen "asteroïed" en "komeet" is kunsmatig. Die Internasionale Astronomiese Unie gebruik sedert 2006 "klein sonnestelselvoorwerp" vir enige liggaam wat regstreeks om die son wentel en waarvan die vorm nie deur swaartekrag bepaal word nie.