Yskap
'n Yskap is 'n koepelvormige, aaneengeslote ysmassa met 'n groot omvang. Yskappe word van gletsers onderskei deurdat eersgenoemde bo-op die landskap lê en in prinsiep nie deur topografie beperk word nie. Daar is twee groot yskappe op die aarde, met name die Groenlandyskap en die Antarktiese yskap. Daar is ook 'n aantal kleiner yskappe, soos die Vatnajökull op Ysland, die Hardangerjøkulen in Noorweë en die Agassiz-yskap op Ellesmere-eiland in Arktiese Kananda.
