Wikipedia:Uitgesoekte herdenkings/Februarie

Januarie - Februarie - Maart - April - Mei - Junie - Julie - Augustus - September - Oktober - November - Desember

Uitgesoekte herdenkings wysigingsriglyne

Vandag is Vrydag, 29 November 2024; dit is nou 10:19 (UTC)

Sjabloon:UitgesoekteHerdenkingsFebruarie

1 Februarie: Imbolc en Lughnasadh in onderskeidelik die Noordelike en Suidelike Halfrond (Keltiese mitologie); Sint Brigidsdag (Westerse Christendom).

1796 – Die hoofstad van Bo-Kanada word geskuif van Newark (nou Niagara-on-the-Lake) na York (nou Toronto), wat as minder kwesbaar vir aanvalle uit VSA beskou is.
1946 – Die Noorweegse politikus Trygve Lie word verkies tot die eerste sekretaris-generaal van die Verenigde Nasies.
1958 – Egipte en Sirië smelt saam om die Verenigde Arabiese Republiek te vorm.
1982 – Senegal en Gambië verenig as Senegambië in 'n los konfederasie wat weer op 30 September 1989 ontbind word toe Gambië weier om nader aan 'n unie te beweeg.
2003 – Die ruimtependeltuig Columbia disintegreer bo Texas tydens sy terugkeer in die aarde se atmosfeer op die tuig se 28ste en laaste sending, met die verlies van al sewe die bemanningslede.

besigtig - bespreek - wysig - geskiedenis

2 Februarie: Marialigmis (Westelike Christendom); Groundhog-dag in Kanada en die Verenigde State.

1848 – Die Meksikaans-Amerikaanse Oorlog eindig met die ondertekening van die Verdrag van Guadalupe Hidalgo, wat aan die Verenigde State die Meksikaanse Oordrag toeken.
1863 – Jan Brand word tot president van die Oranje-Vrystaat verkies.
1882 – Die Ierse skrywer en digter James Joyce word in Dublin gebore.
1970 – Bertrand Russell, Britse logikus, filosoof en wiskundige, sterf.
1990 – President F.W. de Klerk kondig by die opening van die parlement aan dat die ANC en ander groepe ontban en Nelson Mandela vrygelaat sou word. Dit lei tot die einde van apartheid en die daarstel van 'n volle demokrasie in Suid-Afrika.

besigtig - bespreek - wysig - geskiedenis

3 Februarie: Setsubun in Japan

1488 – Bartolomeus Dias van Portugal seil om die Kaap die Goeie Hoop by die suidelike punt van Afrika en land in Mosselbaai.
1509 – Nadat hy die eerste Portugees geword het om tot by Bombaai te seil, voer Francisco de Almeida 'n vloot van 23 skepe aan in 'n deurslaggewende oorwinning oor die gesamentlike vloot van Arabiere, Egiptenare en Indiërs in die Seeslag van Diu, wat die begin van Portugese heerskappy oor die Indiese Oseaan inlui.
1815 – Die eerste kaasfabriek word in Switserland geopen.
1922 – Die Boeregeneraal, Minister van Landbou in die Oranjerivierkolonie en leiersfiguur in die Maritz-rebellie van 1914, Christiaan de Wet, sterf op die plaas Klipfontein naby Dewetsdorp, Vrystaat.
1996 – Die Afrikanasiesbeker eindig in Johannesburg nadat Suid-Afrika Tunisië met 2–0 klop en hul eerste titel inpalm.

besigtig - bespreek - wysig - geskiedenis

4 Februarie: Onafhanklikheidsdag in Sri Lanka (1948)

1794 – Tydens die Franse Rewolusie word slawerny in Frankryk en al sy kolonies afgeskaf.
1859 – Konstantin von Tischendorf ontdek die Kodeks Sinaiticus, 'n 4de-eeuse manuskrip van die Nuwe Testament, in 'n klooster aan die voet van die Sinaigebergte in Egipte.
1936 – Radium E. word die eerste radioaktiewe chemiese element wat sinteties vervaardig word.
1961 – Die chemiese element Lawrensium word by die Berkeley-stralingslaboratorium in Kalifornië in die Verenigde State sinteties vervaardig.
2003 – Die Bondsrepubliek Joego-Slawië verander sy naam in Serwië en Montenegro.

besigtig - bespreek - wysig - geskiedenis

5 Februarie: Grondwetdag in Meksiko (1917)

1859 – Prins Alexander Johan Cuza van Wallachye en Moldawië smelt sy twee vorstedomme saam om die Koninkryk van Roemenië te vorm.
1885 – Koning Leopold II van België vestig die Kongo-Vrystaat as sy persoonlike besitting in Afrika.
1900 – Die Slag van Vaalkrans begin, wat op 7 Februarie in 'n Boere-oorwinning eindig.
1924 – Uurlikse Greenwich-tydseine van die Royal Greenwich Observatory word vir die eerste keer deur die BBC uitgesaai.
1965 – Die diefstal van goudstawe van sowat R200 000 uit die Kasteel die Goeie Hoop in Kaapstad word ontdek.

besigtig - bespreek - wysig - geskiedenis

6 Februarie: Waitangidag, Nasionale dag van Nieu-Seeland (1840)

1788 – Massachusetts word die 6de deelstaat van die Verenigde State.
1819 – Sir Thomas Stamford Raffles stig Singapoer, 'n nuwe handelspos vir die Brits-Oos-Indië maatskappy.
1922 – Frankryk, Italië, Japan, die Verenigde Koninkryk en die Verenigde State teken die Washington-vlootooreenkoms om die vlootwapenwedloop in toom te hou.
1952 – Die Hertogin van Edinburg hoor van haar opvolging tot die Britse troon terwyl sy in Kenia is – sy word daarmee koningin Elizabeth II.
1959 – Jack Kilby doen 'n patentaansoek vir die eerste geïntegreerde stroombaan.

besigtig - bespreek - wysig - geskiedenis

7 Februarie: Onafhanklikheidsdag in Grenada (1974)

457 – Leo I word keiser van die Bisantynse Ryk.
1301 – Edward van Caernarvon, die toekomstige koning Eduard II, word die eerste Engelse troonopvolger met die titel Prins van Wallis.
1940 – Pinocchio, die Oscar-bekroonde Disney-animasierolprent gegrond op 'n storie deur Carlo Collodi, word vir die eerste keer uitgereik.
1984 – Die Nasa-ruimtevaarder Bruce McCandless II voer die eerste ongeankerde ruimtewandeling uit deur 'n Bemande-stuureenheid te gebruik.
1992 – Die Maastrichtverdrag, wat lei tot die stigting van die Europese Unie, word in Maastricht, Nederland, onderteken.

besigtig - bespreek - wysig - geskiedenis

8 Februarie:

1587 – Koningin Maria I van Skotland word tereggestel by Fotheringhaykasteel onder verdenking daarvan dat sy betrokke was by die Babington-sameswering om haar niggie koningin Elizabeth I van Engeland te vermoor.
1828 – Jules Verne, die beroemde skrywer van wetenskapfiksie, word in Nantes, Frankryk, gebore.
1904 – Die Russies-Japannese Oorlog begin met 'n verrassingstorpedoaanval deur die Japannese op Russiese skepe naby die hedendaagse Lüshunkou, China.
1916 – Die Universiteit van Fort Hare vir swartes word in Alice in die huidige Oos-Kaap geopen.
1971 – Handel begin in die Verenigde State op die NASDAQ, die wêreld se eerste elektroniese effektebeurs.

besigtig - bespreek - wysig - geskiedenis

9 Februarie:

474 – Omdat die sewejarige Leo II as te jonk beskou om te regeer word sy vader Zeno gekroon as mede-keiser van die Bisantynse Ryk.
1940 – Die Suid-Afrikaanse skrywer en Nobelpryswenner J.M. Coetzee word in Kaapstad gebore.
1943 – Tweede Wêreldoorlog: Die Slag van Guadalcanal in die Salomonseilande eindig, wat aan die Geallieerdes 'n sleuteloorwinning oor die Japannese weermag gee.
1963 – Abdul Karim Kassem, 'n Irakse militaris en politikus van gemengde Soennitiese, Sjiïtiese en Koerdiese afkoms, sterf in Bagdad.
2003 – Die agtste Krieketwêreldbekertoernooi begin in Suid-Afrika, Kenia en Zimbabwe.
2005 – Die fondament vir die Federatsija-wolkekrabber word in Moscow City in Moskou gelê.

besigtig - bespreek - wysig - geskiedenis

10 Februarie:

1258 – Hülegü Khan en die Mongole plunder Bagdad, en beëindig daarmee die heerskappy van die Abbasidiese Kalifaat.
1763 – Groot-Brittanje en Spanje verdeel Nieu-Frankryk met die Verdrag van Parys. Kanada word aan Groot-Brittanje toegeken en Louisiana aan Spanje.
1840 – Prins Albert van Sakse-Koburg en Gotha trou met koningin Victoria van die Verenigde Koninkryk.
1908 – Altesaam 32 studente begin in die Kya Rosa in Skinnerstraat, Pretoria, klas draf by die destydse Transvaal Universiteit College, wat later as die Universiteit van Pretoria sou bekend staan.
1996 – Deep Blue, die skaakspelende rekenaar, verslaan die internasionale grootmeester en wêreldskaakkampioen Garri Kasparof vir die eerste keer in 'n skaakpot.

besigtig - bespreek - wysig - geskiedenis

11 Februarie: Nasionale Stigtingsdag in Japan

1650 - René Descartes, die Franse filosoof, wetenskaplike en wiskundige, sterf in Stockholm, Swede.
1963 – Die Beatles begin hulle eerste album, Please Please Me opneem.
1966 – Distrik Ses in Kaapstad word kragtens die Groepsgebiedewet tot 'n wit gebied verklaar, waarna sowat 60 000 swart- en bruinmense tussen 1968 en 1982 na die Kaapse Vlakte verskuif word.
1979 – Ajatolla Ruhollah Khomeini neem die bewind in Iran oor en word uiteindelik die Opperleier van die Islamitiese Republiek.
1990 – Die anti-apartheidstryder Nelson Mandela, 'n politieke gevangene vir 27 jaar, word uit die Victor Verster-gevangenis in die Paarl, Suid-Afrika, vrygelaat.

besigtig - bespreek - wysig - geskiedenis

12 Februarie: Darwindag (1809), Lincoln se Verjaarsdag (Arizona, 1892)

1689 – Die Convention Parliament word byeengeroep om te bepaal of Jakobus II van Engeland, die laaste Katolieke koning van Engeland, afstand gedoen het van die troon voor hy in 1688 na Frankryk gevlug het.
1818 – Onder leiding van generaal Bernardo O'Higgins verklaar Chili amptelik sy onafhanklikheid van Spanje.
1832 – Ecuador annekseer die Galápagos-eilande.
1912 – Puyi, keiser van die Manchu Qing-dinastie en die laaste keiser van China, abdikeer.
2001 – NEAR Shoemaker land op Eros en word die eerste ruimtetuig wat op 'n asteroïde land.

besigtig - bespreek - wysig - geskiedenis

13 Februarie:

1668 – Spanje erken Portugal as 'n onafhanklike land.
1880 – Thomas Edison neem die Edison-effek waar, wat later die grondslag sou vorm van John Ambrose Fleming se vakuumbuisdiodes.
1931 – Nieu-Delhi word as die nuwe hoofstad van Brits-Indië deur visekoning Lord Irwin ingewy.
1945 – Tweede Wêreldoorlog: Sowjet-magte buit Boedapest in Hongarye van die Nazi's.
1984 – Konstantin Tsjernenko volg die ontslape Joeri Andropof op as algemene sekretaris van die Kommunistiese Party van die Sowjetunie.

besigtig - bespreek - wysig - geskiedenis

14 Februarie: Valentynsdag

1876 – Elisha Gray en Alexander Graham Bell doen elkeen aansoek om 'n patent vir die telefoon.
1879 – Chileense magte beset die Boliviese hawe Antofagasta, en veroorsaak die Stille Oseaanoorlog.
1900 – Die Slag van Pietershoogte begin tydens die Tweede Vryheidsoorlog.
1945 – Die Britse Lugmag begin die strategiese bombardering van Dresden in Sakse, Duitsland, wat lei tot 'n noodlottige vuurstorm waarin duisende burgerlikes sterf.
1989 – Die eerste satelliet in die satellietkonstellasie van die GPS-stelsel word in 'n wentelbaan om die aarde geplaas.

besigtig - bespreek - wysig - geskiedenis

15 Februarie Marialigmis (Oostelike Christendom); Vlagdag in Kanada, Nasionale Dag in Serwië.

1861 – Gebore: Alfred North Whitehead, die Brits-Amerikaanse filosoof, fisikus en wiskundige wat bydraes gelewer het tot logika, wiskunde en filosofie.
1898 – Die Amerikaanse slagskip USS Maine ontplof en sink in Havana, Kuba - 260 mense sterf in 'n tragedie wat die Spaans-Amerikaanse Oorlog teweeg bring.
1942 – Tweede Wêreldoorlog: Generaal Tomojoeki Jamasjita lei die Japannese magte om die sogenaamde "onoorwinbare fort" van Singapoer in te neem.
1989 – Die Sowjetunie kondig amptelik aan dat al sy troepe Afghanistan reeds verlaat het.
2003 – Miljoene mense regoor die wêreld neem deel aan die grootste massabetoging in die geskiedenis teen oorlog in die algemeen en spesifiek die beplande inval in Irak.

besigtig - bespreek - wysig - geskiedenis

16 Februarie: Staatskapdag in Litaue (1918)

1857 – Gallaudet Universiteit, die wêreld se enigste universiteit vir gehoorgestremde studente, word in Washington, D.C. gestig.
1918 – Litaue verklaar sy onafhanklikheid van Rusland.
1923 – Howard Carter open die grafkelder van Toetankamen, 'n Farao van die agttiende dinastie van Egipte.
1950 – Peter Hain, Britse politikus en anti-apartheidsaktivis wat veral betrokke was by die ontwrigting van Suid-Afrikaanse rugby- en kriekettoere na Brittanje, word in Nairobi, Kenia, gebore.
1959 – Fidel Castro word Premier van Kuba nadat die heersende diktator Fulgencio Batista op 1 Januarie afgesit is.

besigtig - bespreek - wysig - geskiedenis

17 Februarie: Tanis Diena in Letland

1838 – 'n Groot aantal Voortrekkers sterf in 'n Zoeloeaanval langs die Blaukraansrivier, naby wat nou Weenen is.
1854 – Brittanje erken die onafhanklikheid van die Oranje-Vrystaat, die hedendaagse Vrystaat, in Suid-Afrika.
1895 – Die volle ballet Swanemeer word vir die eerste keer in Sint Petersburg, Rusland, opgevoer met musiek deur Tsjaikofski.
1979 – Ongeveer 120 000 troepe van die Volksbevrydingsleër van die Volksrepubliek China gaan noordelike Viëtnam binne en begin daarmee die China-Viëtnamoorlog.
2008 – Die parlement van Kosowo verklaar sy eensydige onafhanklikheid van Serwië.

besigtig - bespreek - wysig - geskiedenis

18 Februarie: Onafhanklikheidsdag in Gambië, (1965)

1546 – Martin Luther, die Duitse Protestantse teoloog en hervormer, sterf op sy geboortedorp, Eisleben.
1861 – Met Italiaanse vereniging amper voltooi, neem koning Victor Emmanuel II van Piëmont, Savoje en Sardinië die titel koning van Italië aan.
1930 – Clyde W. Tombaugh ontdek Pluto, sedert 2006 'n dwergplaneet.
1932 – Die Japannese Ryk vestig Mantsjoekwo, 'n marionettestaat in Noordoos-China, tydens die Chinees-Japannese Oorlog.
1945 – Die term Ystergordyn word vir die eerste keer in 'n artikel van die Duitse dagblad Das Reich gebruik om die skeiding tussen die Duitse en die Russiese invloedsfeer aan te dui.
1952 – Griekeland en Turkye sluit by die Noord-Atlantiese Verdragsorganisasie (NAVO) aan.

besigtig - bespreek - wysig - geskiedenis

19 Februarie:

197 – Septimius Severus verslaan Clodius Albinus in die Slag van Lugdunum en verseker daarmee volle beheer oor die Romeinse Ryk.
1863 – Koning Sigismund III Wasa van die Pools-Litause Gemenebes word gekroon as koning van Swede.
1896 – Die Braamfonteinse dinamiet-ontploffing naby Johannesburg se middestad eis tientalle lewens en lê talle geboue in puin, onder meer die eerste kerkgebou van die NG gemeente Fordsburg. Ds. Abraham Kriel het ná die eerste begrafnis van 127 slagoffers "soos 'n kind gesnik".
1942 – Darwin, die hoofstad van die Noordelike Gebied, Australië, word hard getref deur 242 bomwerpers en vegvliegtuie van die Japannese vloot.
1986 – Die ruimtestasie Mir van die Sowjet-ruimteprogram word gelanseer om die eerste langtermyn-navorsingstasie in die ruimte te vestig.

besigtig - bespreek - wysig - geskiedenis

20 Februarie:

1472 – Jakobus III van Skotland annekseer die Orkney- en Shetlandeilande van Denemarke-Noorweë.
1810 – Die sluipmoord op Andreas Hofer, 'n Tirolse patriot en leier van 'n opstand teen Napoleon se troepe.
1913 – King O'Malley slaan die eerste paal in om die aanvang van die bou van Canberra aan te dui.
1959 – Die supersoniese stralerprogram Avro Arrow in Kanada word beëindig
1965 – Die ruimtetuig Ranger 8 versend 7 137 beelde van die maan in die laaste 23 minute van sy sending voordat dit in Mare Tranquillitatis neerstort.

besigtig - bespreek - wysig - geskiedenis

21 Februarie: Internasionale Wêreldmoedertaaldag; Presidentsdag in die Verenigde State.

1613 – Michail word eenparig deur die Zemski Sobor tot tsaar verkies en begin daarmee die Romanof-dinastie in die Tsaredom van Rusland.
1804 – Die eerste selfaangedrewe stoomenjin of lokomotief, gebou deur Richard Trevithick, loop vir die eerste keer in Wallis.
1838 – Samuel Morse demonstreer die telegraaf aan die Amerikaanse president Martin Van Buren en sy kabinet.
1888 – Die Nederlandse skilder Vincent van Gogh kom in Arles in die suide van Frankryk aan.
1987 – Die leiers van die Action Directe, 'n linksgesinde terreurorganisasie, word op 'n plaas naby Orléans, Frankryk, deur die polisie betrap.

besigtig - bespreek - wysig - geskiedenis

22 Februarie: Onafhanklikheidsdag in St. Lucia (1979)

1819 – Kragtens die Adams-Onís-verdrag verkoop Spanje Florida aan die Verenigde State vir vyf miljoen Amerikaanse dollar.
1788 – Arthur Schopenhauer, die 19de-eeuse Duitse filosoof, word in Danzig, Pole, gebore.
1979 – St. Lucia word onafhanklik van die Verenigde Koninkryk.
1987 – Andy Warhol, 'n Amerikaanse kunstenaar, avant-garde-rolprentmaker, skrywer en sosiale figuur, sterf in New York tydens 'n roetine-galblaasoperasie.
1990 – T.O. Honiball, wat bekend staan as die skepper van die Afrikaanse strokiesprent, sterf in Montagu.

besigtig - bespreek - wysig - geskiedenis

23 Februarie: Verdedigers van die Moederland-dag in Rusland (1918); Republiekdag in Guyana (1970); Lanternfees in die Chinese kalender (2005); Die Keiser se verjaarsdag in Japan.

1455 – Johannes Gutenberg begin die Gutenberg-Bybel druk in Mainz, Duitsland.
1574 – Die vyfde heilige oorlog teen die Hugenote begin in Frankryk.
1854 – Die Oranje-Vrystaat verkry amptelik sy onafhanklikheid met die ondertekening van die Konvensie van Bloemfontein met Brittanje.
1903 – Guantanamobaai, Kuba, word vir altyd aan die Verenigde State verhuur.
1947 – Die Internasionale Organisasie vir Standardisasie word gestig. Dit is verantwoordelik vir wêreldwye industriële en kommersiële ISO standaarde.

besigtig - bespreek - wysig - geskiedenis

24 Februarie: Onafhanklikheidsdag in Estland (1918)

1582 – Pous Gregorius XIII vaardig die bul Inter gravissimas uit om die Gregoriaanse kalender te promulgeer, ’n aanpassing van die Juliaanse kalender wat sedert 45 v.C. in gebruik was.
1917 – 'n Spontane volksopstand begin in Moskou nadat tsaar Nikolaas II Rusland in die Eerste Wêreldoorlog betrek.
1918 – Estland verklaar sy onafhanklikheid van Rusland.
1946 – Kolonel Juan Perón word vir sy eerste termyn as president van Argentinië verkies.
2005 – Die krytrotsformasie Wissower Klinken naby Rügen, wat in 1818 deur die Duitse landskapskilder Caspar David Friedrich geskilder is, verbrokkel as gevolg van verwering en stort in die see.

besigtig - bespreek - wysig - geskiedenis

25 Februarie: Nasionale Dag in Koeweit (1961).

1570 – Pous Pius V vaardig die pouslike bul Regnans in Excelsis uit om Koningin Elizabeth I en haar volgelinge in die Kerk van Engeland uit die Rooms-Katolieke Kerk te ban.
1836 – Samuel Colt neem 'n patent uit vir die rewolwer.
1912 – Marie-Adélaïde, die oudste van ses dogters van Willem IV, word die eerste heersende groothertogin van Luxemburg.
1921 – Die Demokratiese Republiek van Georgië word deur die Sowjetse Rooi Leër beset.
1986 – EDSA Revolusie: Corazón Aquino word ingehuldig as President van die Filippyne, nadat Ferdinand Marcos uit die land vlug na 'n 20 jaar bewind.

besigtig - bespreek - wysig - geskiedenis

26 Februarie: Vryheidsdag in Koeweit (1991)

964 – Die afgesette Pous Johannes XII laat sy opvolger Pous Leo VIII afset en vervang met Pous Benedictus V.
1815 – Napoleon Bonaparte ontsnap uit bannelingskap op Elba.
1935 – Adolf Hitler herstig die Duitse Luftwaffe en verbreek hiermee die Verdrag van Versailles wat ná die Eerste Wêreldoorlog geteken is.
1981 – Die Franse sneltrein TGV stel 'n nuwe wêreldrekord op toe dit 'n snelheid van 381 km/h bereik naby Tonnerre.
1993 – 'n Paneelwa ontplof in die ondergrondse parkeerplek van die World Trade Center in New York, ses mense sterf en meer as 1 000 word beseer.

besigtig - bespreek - wysig - geskiedenis

27 Februarie: Onafhanklikheidsdag in die Dominikaanse Republiek (1844)

1751 – Ryk Tulbagh neem oor as goewerneur van die Kaap.
1881 – Eerste Vryheidsoorlog: Die Boere van Transvaal behaal 'n deurslaggewende oorwinning in die Slag van Majuba, die laaste militêre botsing met Groot-Brittanje.
1900 – Tweede Vryheidsoorlog: Generaal Piet Cronje gee met 4 000 man oor by Paardeberg en word as krygsgevangene in hegtenis geneem en na Sint Helena gestuur.
1933 – Die Reichstag-gebou word, in ’n sleutelgebeurtenis in die vestiging van die Naziregering in Duitsland, aan die brand gesteek.
1976 – Die Arabiese Demokratiese Republiek Sahara word uitgeroep in die Marokkaans besette Wes-Sahara.

besigtig - bespreek - wysig - geskiedenis

28 Februarie: Vredeherdenkingsdag in Republiek China (Taiwan).

364 – Valentinianus I word by Nicea, Bitinië, tot Romeinse keiser verkies deur amptenare van die Romeinse leër.
1784 – John Wesley, 'n predikant van die Anglikaanse Kerk, stig die eerste Metodiste-kerk.
1900 – Die Beleg van Ladysmith, wat op 2 November 1899 deur die Boere begin is, eindig.
1922 – Egipte word van die Verenigde Koninkryk onafhanklik.
1935 - Nylon, 'n sintetiese polimeer, word deur Wallace Carothers uitgevind.
1947 – Die 228-voorval in Taiwan: Burgerlike opstand in Taipei en Keelung word wreed onderdruk deur die Chinese Nasionalistiese leër.

besigtig - bespreek - wysig - geskiedenis

29 Februarie: Skrikkeldag in die Gregoriaanse kalender.

1704 – Gesamentlike Franse en Indiaanse magte in die Verenigde State verwoes Deerfield, Massachusetts, tydens Koningin Anne se Oorlog.
1712 – In Swede word 29 Februarie deur 30 Februarie gevolg in 'n stap om die Sweedse kalender af te skaf.
1920 – Die Nasionale Vergadering van Tsjeggo-Slowakye aanvaar 'n nuwe grondwet.
1988 – Suid-Afrika se aartsbiskop Desmond Tutu word saam met 100 geestelikes gearresteer in 'n vyf dae lange anti-apartheidsbetoging in Kaapstad.
2004 – Jean-Bertrand Aristide bedank as president van Haïti ná 'n rebelleopstand.

besigtig - bespreek - wysig - geskiedenis

Januarie - Februarie - Maart - April - Mei - Junie - Julie - Augustus - September - Oktober - November - Desember

Uitgesoekte herdenkings wysigingsriglyne