Waterkloof
Waterkloof | |
|---|---|
 Waterkloof Village in Waterkloof | |
  Waterkloof Waterkloof se ligging in Gauteng | |
| Koördinate: 25°46′46″S 28°14′31.5″O / 25.77944°S 28.242083°O | |
| Land |  Suid-Afrika |
| Provinsie | Gauteng |
| Munisipaliteit | Stad Tshwane |
| Oppervlak | |
| • Totaal | 3,73 km2 (1,44 vk. myl) |
| Bevolking (2011)[1] | |
| • Totaal | 4 820 |
| • Digtheid | 1 292/km2 (3 350/vk. myl) |
| Rasverdeling (2011) | |
| • Wit mense | 71.68% |
| • Indiërs/Asiërs | 2.49% |
| • Bruin mense | 1.0% |
| • Swart mense | 22.12% |
| • Ander | 2.71% |
| Taal (2011) | |
| • Afrikaans | 44.41% |
| • Engels | 34.34% |
| • Noord-Sotho | 2.74% |
| • Tswana | 2.82% |
| • Ander | 15.69% |
| Poskode (strate) | 0181 |
| Skakelkode | 012 |
Waterkloof is 'n voorstad van Pretoria, Suid-Afrika. Dit is vernoem na die oorspronklike plaas wat in die gebied geleë was toe Pretoria in die 19de eeu gestig is. Dit is oos van die stadskern geleë. Waterkloof is 'n gevestigde, boomryke gebied met van die duurste eiendom in die stad. Soos in baie ander dele van Pretoria is jakarandabome langs die strate geplant wat die buurt in Oktober in 'n pers skouspel verander.
Geskiedenis
[wysig | wysig bron]Gedurende die apartheidera is Waterkloof geassosieer met die Afrikanerelite aangesien verskeie hooggeplaasde regeringsamptenare daar woonagtig was. Vandag is dit 'n uiters gesogte woonbuurt met weelderige huise teen die kloofhange en indrukwekkende uitsigte oor die hoofstad en die Uniegebou. Die woonbuurt huisves verskeie luukse ambassadeurswonings en ministeriële ampswonings van die staat.[2]
Talle strate in die buurt is na Britse koninklikes vernoem. Dit is ook die tuiste van die bekende Suid-Afrikaanse sopraansangeres, Mimi Coertse, en was die plek van die Dube-huis in die film Tsotsi.
Die hoofstraat deur Waterkloof is Crownrylaan wat Waterkloof met Brooklyn in die noorde verbind en Albertstraat wat van oos na wes loop deur die naburige Menlopark en Groenkloof.
Waterkloof is ook die tuiste van die Pretoria buiteklub met sy 18-putjie gholfbaan.
Klimaat
[wysig | wysig bron]Waterkloof se klimaat is vogtig en subtropies.[3] Die gemiddelde temperatuur was 19 °C. Die warmste maand is Januarie, 24 °C, en koudste Julie, 12 °C.[4] Die gemiddelde reënval is 817 mm per jaar. Die natste maand is Desember, met 162 mm reën, en die droogste Julie, op 1 millimeter.[5]
Sien ook
[wysig | wysig bron]- Lugmagbasis Waterkloof, geleë in Centurion, Gauteng, omtrent 5 km rigting suidwes van Waterkloof.
- Hoërskool Waterkloof, 'n groot Afrikaanse hoërskool geleë omtrent 8 km suidoos van Waterkloof tussen Erasmuskloof en Elarduspark.
Verwysings
[wysig | wysig bron]- ↑ 1,0 1,1 1,2 1,3 "Subplek Waterkloof". Sensus 2011.
- ↑ "Só stroop ministers en adjunkte eiendom". Netwerk24. 20 September 2024. Besoek op 20 September 2024.
- ↑ Peel, M C; Finlayson, B.L. "Updated world map of the Köppen-Geiger climate classification". Hydrology and Earth System Sciences. 11: 1633–1644. doi:10.5194/hess-11-1633-2007. Besoek op 30 Mei 2016.
- ↑ "NASA Earth Observations Data Set Index" (in Engels). NASA. Geargiveer vanaf die oorspronklike op 1 Junie 2020. Besoek op 30 Mei 2016.
- ↑ "NASA Earth Observations: Rainfall (1 month - TRMM)" (in Engels). NASA/Tropical Rainfall Monitoring Mission. Geargiveer vanaf die oorspronklike op 11 Mei 2020.
.svg)