Vic Toweel
| Vic Toweel | |
| Statistiek | |
|---|---|
| Geboortenaam | Victor Anthony Toweel |
| Bynaam(e) | Benoni Atoom |
| Gewigklas | Kapokgewig |
| Nasionaliteit |  Suid-Afrika
|
| Geboorte | 28 Januarie 1928 Benoni, Suid-Afrika |
| Sterfte | 15 Augustus 2008 (op 80) Sydney, Australië |
| Houding | Ortodoks |
| Boksrekord | |
| Totale gevegte | 32 |
| Oorwinnings | 28 |
| Oorwinnings met uitklophou | 14 |
| Verloor | 3 |
| Gelykop | 1 |
| Geen wedstryd | 0 |
Victor Anthony Toweel (gebore 28 Januarie 1928 in Benoni, Suid-Afrika, oorlede 15 Augustus 2008 in Sydney, Australië) was 'n Suid-Afrikaanse bokslegende en voormalige kapokgewig-wêreldkampioen.
Toweel is die broer van Willie Toweel, Jimmy Toweel, Fraser Toweel, Allan Toweel en Maurice Toweel. Almal goeie boksers of boksfigure in eie reg: Willie het in sy tyd om 'n wêreldtitel geveg; Jimmy was 'n SA kampioen; Alan was een van Suid-Afrika se voorste boksafrigters; en Maurice 'n puik promotor, ofskoon hy in 'n rolstoel was. Die voorliefde vir boks het gekom van hulle pa, Michael Joseph Toweel, wat van Libanese afkoms was.
Amateurloopbaan
[wysig | wysig bron]Toweel was 'n baie suksesvolle amateurbokser. Hy verloor slegs twee keer in amper 300 gevegte. Hy neem as 'n kapokgewig aan die Olimpiese Somerspele 1948 in Londen deel, maar word in die eerste ronde deur Arnoldo Pares van Argentinië uitgeskakel.
Professionele loopbaan
[wysig | wysig bron]Toweel veg onder noemname soos "Dinamiet", "Benoni se Magtige Muis", die "Benoni Buzzaw" en die "wit Henry Armstrong" vanweë sy konstante aanvalstyl. Toweel word in 1949 beroepsbokser en verower in 1950 die wêreldkroon vir kapokgewigte met 'n oorwinning oor Manuel Ortiz.
Lewe na sy boksloopbaan
[wysig | wysig bron]Toweel tree in die 1980's af in Australië. Hy is op Vrydagoggend, 15 Augustus 2008, op 80-jarige ouderdom in Sydney oorlede.
Trivia
[wysig | wysig bron]Toweel was die eerste Suid-Afrikaner wat ooit 'n wêreldtitel verower het. Hy hou die rekord vir die meeste platslaan-houe in 'n titelgeveg.
Hy slaan Danny O'Sullivan veertien keer plat voor die geveg in the 10de rondte gestop word. In 'n onderhoud na 'n geveg, vertel Sullivan verslaggewers "Adkeivhaep oi er", net voor hy sy bewussyn verloor.