Toyger

Toyger
Land	VSA
Ontstaan	Hibride
Soort lyf	Sterk
Pels	Kort
Patroon	Strepe
Wetenskaplike naam
Felis catus (huiskat)
x Prionailurus bengalensis
Portaal    Katte

Die Toyger is ’n katras wat die gevolg is van ’n teelprogram met gestreepte kortharige huiskatte om ’n kat te ontwikkel wat soos ’n speelgoedtier (Engels: toy tiger) lyk.

Geskiedenis

Die ras is in die 1980's ontwikkel deur Judy Sudgen. Sy het besonderse merke aan twee van haar katte gesien. Dit het aan die katte se kop voorgekom, ’n area waar gewoonlik geen definitiewe patrone is nie. Sy het daarna ’n kat van Indië af ingevoer wat ook besonderse merke aan sy kop gehad het en toe met die katte begin teel. Sy het later die Bengaalse kat in die teelprogram gebruik om die ras ’n groter lyf te gee. Aangesien die Bengaalse kat ’n hibride is, word die Toyger ook as ’n hibride geklassifiseer.

The International Cat Association (TICA) het die kat in 2007 kampioenskapstatus gegee.

Beskrywing

Volgens die TICA-standaard is die kat van middelmatige grootte met ’n sterk, gespierde lyf en groot beenstruktuur. Die oë is rond en ver uitmekaar; diep en ryk kleure word verkies. Die ore is klein en rond.

Die merke aan die pels moet ’n groot kontras met die agtergrondkleur vorm en kan swart en bruin tot selfs taankleurig wees. Aan die nek, bene en stert moet hulle ’n sirkel-effek hê.

Die Toyger se oë is rond en ver uitmekaar.

Sien ook

• Lys van katrasse

Eksterne skakels

• Toyger-telerswebtuiste
• Nog inligting Geargiveer 19 Julie 2011 op Wayback Machine
• Foto's Geargiveer 19 Februarie 2012 op Wayback Machine
• Wikimedia Commons het meer media in die kategorie Toyger.
• Hierdie artikel is vertaal uit die Engelse Wikipedia