Toeklapfoon
'n Toeklapfoon is 'n sellulêre telefoon wat voorsien is van 'n skarniermeganisme. Die telefoon moet dus oopgemaak word indien 'n mens dit wil gebruik. Voorbeelde van selfoonmaatskappye wat toeklapfone vervaardig is Motorola, Samsung, Sony Ericsson en Nokia.
Een algemene voordeel van 'n toeklapfoon is dat daar nooit per ongeluk op die knoppies gedruk kan word as die toestel byvoorbeeld in 'n broeksak sit nie. Daarby word die skerm goed beskerm teen moontlike verplettering. Die nadeel is dat die skarniermeganisme met verloop van tyd verweer.
