Tamboesie
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
'n Tamboesie is 'n gewilde gebak in Suid-Afrika wat van die Nederlandse "tompouce" (selde "tompoes") afkomstig is. Dit bestaan uit 'n lagie skilferdeeg met daaroorheen 'n dik laag vanieljebanketbakersroom of gestolde vla. Dit word dan weer met 'n lagie skilferdeeg bedek wat gewoonlik 'n lagie glasuur (gewoonlik pienk) bevat. Met die Nederlandse Koningsdag en groot sokkertoernooie waaraan die Nederlandse nasionale sokkerspan meedoen, word die glasuur meestal oranje gemaak. Tamboesies het normaalweg 'n vierkantige vorm, terwyl tompoese 'n kenmerkende "baksteenvorm" het.
