Stigting VOC
Die Stigting VOC is in 1995 gestig om die belangstelling in die regeerperiode van die VOC in Suid-Afrika, naamlik van 1652 tot 1795, lewend te hou. Dit doen hierdie vereniging deur die bestudering van die Khoikhoi, navorsing oor die VOC as maatskappy en die beywering vir die bewaring van artikels uit die VOC-tyd soos geboue, skeepswrakke, porselein, munte en dokumente. In Suid-Afrika is die vereniging die eienaar van die VOC-logo, waarskynlik een van die oudste handelsembleme in die wêreld. Prof. J. Leon Hattingh van Somerset-Wes is die leidende figuur in die organisasie.