Spinnekopbloekom

Spinnekopbloekom
	Spinnekopbloekom se vrug.
Wetenskaplike klassifikasie
Domein:	Eukaryota
Koninkryk:	Plantae
Klade:	Tracheofiete
Klade:	Angiospermae
Klade:	Eudicots
Klade:	Rosids
Orde:	Myrtales
Familie:	Myrtaceae
Genus:	Eucalyptus
Spesie:	E. lehmannii
Binomiale naam
	Eucalyptus lehmannii; (Schauer) Benth., (1867)
Sinonieme
	Symphyomyrtus lehmannii Schauer;

Die spinnekopbloekom (Eucalyptus lehmannii) is 'n boom en indringerplant wat in Suid-Afrika genaturaliseer geraak het vanaf Australië; dit is endemies in die ooste van dié land. Die boom kom voor in die kusfynbos en duine van die Oos-Kaap en die suide van die Wes-Kaap. Dit kan tot 10 m hoog word.

Voorkoms

Die plant is dig, immergroen en 'n meerstammige boom of bos. Die takke hang dikwels naby die grond. Die liggroen blare is enkelvoudig, ovaalvormig, dik en leeragtig. Die groengeel blomme lok bye vanaf Junie tot Januarie. Die rooi knoppe aan die blomme lyk soos plastiekspinnekoppe. Die vrug is 'n stekelrige, houtagtige kapsule.

Algemeen

Die boom word gekweek vir hout, sandbinding en as 'n bron van heuning.

Infraspesies

Die spesie het twee infraspesies:

Eucalyptus lehmannii subsp. lehmannii
Eucalyptus lehmannii subsp. parallela D.Nicolle & M.E.French

Bronne

Watter Boom is dit? Eugene Moll 2013 ISBN 978 1 77007 832 1
Natuurlewe van Suid-Afrika Duncan Butchart Struik Nature 2012 ISBN 978-1-4317-0248-0
Plants of the World Online

Sien ook