Simeon

Hierdie artikel handel oor die voornaam. Vir ander gebruike, sien Simeon (dubbelsinnig).

Simeon of Sjimon is 'n manlike voornaam wat van die Hebreeuse שמעון (Šimʿon, volgens die Tiberiese vokalisering Šimʿôn). Die Griekse spelling van hierdie Bybels-Hebreeuse naam is Συμεών - hiervan is ook die gelatiniseerde skryfwyse Symeon afgelei.

Betekenis

Die naam is afgelei van die Bybelse figuur Simeon, die seun van Jakob en Leah en patriarg van die Stam van Simeon. Volgens die teks van die boek Genesis (29:33) verwys die naam na Leah se bewering dat Jakob Rachel bo haar voorgetrek het: "En sy het weer bevrug geword en 'n seun gebaar en gesê: Gewis, die Here het gehoor dat ek die nie-geliefde is en my hierdie een ook gegee. En sy het hom Símeon genoem."

Simeon is dan moontlik afgelei van die teoforiese naam Isjmael ("God het gehoor"; Genesis 16:11), en ook die hipotese dat die stam van Simeon oorspronklik 'n Ismaelitiese groep was baseer op hierdie teks.

Volgens klassieke rabbynse geskrifte word die naam Simeon soms vertaal as "diegene wat na (die woord van) God luister" (Genesis Rabbah 61:4), maar ook afgelei van sjam 'in ("daar is sonde" - 'n profetiese verwysing na Zimri se seksuele omgang met 'n Midianitiese vrou.

Literatuur

• Die Bybel (1953-Vertaling)
• Reinecker, Fritz: Lexikon zur Bibel. R. Brockhaus Verlag, Wuppertal 1981. ISBN 3-417-24528-1

Sien ook

• Lys van persone in die Bybel