Siddhi

Siddhi (Sanskrit:सिद्धिः; siddhiḥ) is 'n Sanskrit woord wat letterlike "perfeksie", "prestasie", "vervulling", of "sukses" beteken. Dit word ook gebruik as 'n term vir geestelike krag (of fisieke vermoë). Die term word in hierdie sin in Hindoeïsme en tantriese Boeddhisme gebruik. Hierdie geestelike kragte wissel oënskynlik van betreklik eenvoudige vorms van heldersiendheid tot die vermoë om te sweef (levitasie), om terselfdertyd by verskillende plekke teenwoordig te wees, om so groot soos 'n atoom te word, om voorwerpe te materialiseer, om toegang tot herinnerings uit vorige lewens te hê, en andere. Die bemeestering van spesifieke Siddhis word geleer deur die regte soort Samjama.