Pelycosauria

Pelycosauria; Tydperk: Pennsylvanium – Capitanium 308–260.4 m. jaar gelede PreЄ Є O S D C P T J K Pg N
	’n Skelet van Dimetrodon mileri in die Harvard-museum van Natuurgeskiedenis.
Wetenskaplike klassifikasie
Koninkryk:	Animalia
Filum:	Chordata
Subfilum:	Vertebrata
Superklas:	Tetrapoda
Klas:	Synapsida
Orde:	Pelycosauria; (Cope, 1878)

Pelycosauria (van Grieks πέλυξ pelyx, "houtbak", en σαῦρος sauros, "akkedis") is ’n informele groepering of orde wat bestaan uit basale, of primitiewe, sinapsides uit die laat Paleosoïkum. Daar word soms verkeerdelik na hulle verwys as "soogdieragtige reptiele". Hulle bestaan uit alle sinapsides behalwe die terapsides en hul afstammelinge.

Beskrywing

Sommige spesies was nogal groot en kon tot 3 m of hoër word, hoewel die meeste baie kleiner was. Omdat meer gevorderde groepe sinapsides regstreeks uit Pelycosauria ontwikkel het, gebruik wetenskaplikes van die 21ste eeu nie meer die term amptelik nie, maar net informeel.^[1]

Evolusie

Pelycosauria het tydens die Pennsylvanium ontstaan en hul hoogtepunt in die vroeë Perm bereik. Hulle was sowat 40 miljoen jaar lank die oorheersende landdiere. ’n Paar het tot in die Capitanium oorleef. Hulle is deur die terapsides opgevolg.

Verwysings

↑ Botha-Brink, J. en Modesto, S.P. (2007). "A mixed-age classed ‘pelycosaur’ aggregation from South Africa: earliest evidence of parental care in amniotes?" Proceedings of the Royal Society B, 274(1627): 2829–2834. doi:10.1098/rspb.2007.0803

Eksterne skakels

Wikimedia Commons het meer media in die kategorie Pelycosauria.
Hierdie artikel is vertaal uit die Engelse Wikipedia

[brink&modesto2007-1] Botha-Brink, J. en Modesto, S.P. (2007). "A mixed-age classed ‘pelycosaur’ aggregation from South Africa: earliest evidence of parental care in amniotes?" Proceedings of the Royal Society B, 274(1627): 2829–2834. doi:10.1098/rspb.2007.0803

[1]