Osjakan
Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Land | ![]() |
Koördinate | 41°18′N 44°18′O / 41.300°N 44.300°O |
Stigting | |
Oppervlak: | |
- Totaal | 16,96 vk km |
Hoogte bo seevlak | m |
Bevolking: | |
- Totaal (2008) | 5 179 |
- Bevolkingsdigtheid | 305,4/vk km |
Tydsone | UTC 4 |
- Somertyd | UTC 5 |
Burgemeester | |
Amptelike webwerf | http://oshakan.am/ Geargiveer 28 Junie 2012 op Wayback Machine |
Osjakan (Armeens: Օշական, internasionale transkripsie: Oshakan) is 'n nedersetting in die Armeense provinsie (marz) Aragatsotn, sowat 8 kiliometer suid-wes van Artasjak, met 'n oppervlakte van 16,96 km² en 'n bevolking van 5 179. Dit is een van die bekendste dorpe in Armenië asook 'n belangrike pelgrimsoord vir Armeens-Apostoliese Christene. Hier het die geleerde Mesrop Masjtots, die skepper van die Armeense alfabet, sy laaste rusplek gevind.
Geskiedenis
[wysig | wysig bron]In die tyd van die Arsakide-dinastie, een van die invloedrykste families in die antieke Koninkryk Armenië, het Osjakan as die hoofstad van die provinsie Ayrarat en sy Aragatsotn-distrik gefungeer.
Die dorp word egter veral met Sint Mesrop Masjtots verbind wat hier in 440 ter ruste gelê is. Osjakan was die woonplek van vors Vahan Amatoeni, Sint Mesrop se beste vriend, wat sy begrafnis gereël het. Aanvanklik is 'n klein kapel oor die graf opgerig wat in die 1875 deur Katholikos Joris IV deur 'n eenskepige kerkgebou vervang is. Die muurskilderye in die binneruimte met tonele van Sint Mesrop se lewe en tradisionele Armeense motiewe is in 1960 deur die kunstenaar H. Minasian geskep.
Rondom die grafkerk, wat steeds die sentrum van Osjakan vorm, het gaandeweg gebouekomplekse asook 'n klein universiteit ontstaan. Die Armeense argitek Torosian het in 1962 'n obelisk ter ere van Sint Mesrop Masjtots in die vorm van 'n oopgeslane boek by die dorpsingang geskep.
Argeologiese opgrawings
[wysig | wysig bron]In Osjakan en sy omgewing is grafte en geboue ontdek wat nog ouer as die Armeense alfabet is. Een van die belangrikste argeologiese vindplekke in Armenië is op die Didikond-heuwel in die suide van dorpsgebied geleë. Hier is die bouvalle van 'n Urarteïese vesting uit die 7de en 6de eeu v.C. ontdek, asook begrafnisplekke waarvan die oudstes uit die vroeë Ystertydperk in die 11de eeu v.C. dateer.
Die argeologiese vondse uit Osjakan, waaronder bronsstandbeelde en kleurryke keramiek, word tans in musea in die hoofstad Jerewan vertoon.
Eksterne skakels
[wysig | wysig bron]![]() |
Wikimedia Commons bevat media in verband met Osjakan. |