Octocorallia
| Octocorallia | |
|---|---|
| |
| Dendronephthya klunzingeri. | |
| Wetenskaplike klassifikasie | |
| Koninkryk: | |
| Filum: | |
| Klas: | |
| Subklas: | Octocorallia
|
| Ordes | |
| |
Octocorallia (ook bekend as Alcyonaria) is ’n subklas van Anthozoa wat uit sowat 3 000 spesies waterorganismes bestaan wat as poliepe voorkom; hulle het gewoonlik tentakels in veelvoude van agt. Dit sluit sagte korale, bloukorale, seevere, seewaaiers en seeswepe in en bestaan uit drie ordes: Alcyonacea, Helioporacea en Pennatulacea.[1] Hierdie organismes het ’n interne skelet en poliepe met agt tentakels. Nes by alle lede van Cnidaria het die diertjies ’n ingewikkelde lewensiklus wat ook ’n planktonfase insluit.
Octocoralia lyk soos steenkorale, maar het nie die kenmerkende harde skelette nie. Hul agt tentakels is veeragtig en het talle vertakkings, bekend as pinnules. Hulle is ook koloniale diere wat in ’n sagte matriks geanker is en aan mekaar verbind word deur gastrovaskulêre kanale waardeur water en voedinstowwe tussen al die lede van die kolonie uitgeruil kan word. Die skeletmateriaal bestaan uit lewende weefsel wat deur talle swerwende amebosiete afgeskei word. Hoewel dit gewoonlik sag is, word dit by sekere spesies versterk deur kalk- en horingagtige materiaal.[2]
Filogenie
[wysig | wysig bron]Octocorallia word beskou as monofileties (met al sy spesies wat van ’n enkele voorsaat afstam), hoewel die verhouding tussen die verskillende onderafdelings nie baie bekend is nie. Die seevere (Pennatulacea) en bloukorale (Helioporacea) word steeds in aparte ordes ingedeel, terwyl die huidige orde Alcyonacea histories deur vier ordes verteenwoordig is: Alcyonacea, Gorgonacea, Stolonifera en Telestacea.
Die huidige filogenie is:[1]
| Octocorallia |
| ||||||||||||||||||||||||||||||
Verwysings
[wysig | wysig bron]- ↑ 1,0 1,1 Daly, M.; Brugler, M.P.; Cartwright, P.; Collins, A.G.; Dawson, M.N.; Fautin, D.G.; France, S.C.; McFadden, C.S.; Opresko, D.M.; Rogriguez, E.; Romano, S.L.; Stake, J.L. (21 Julie 2007). "The phylum Cnidaria: A review of phylogenetic patterns and diversity 300 years after Linnaeus" (PDF). Zootaxa. 1668: 1–766. ISSN 1175-5326. Geargiveer vanaf die oorspronklike (PDF) op 11 Junie 2010. Besoek op 21 Mei 2017.
- ↑ Barnes, Robert D. (1982). Invertebrate Zoology. Philadelphia, PA: Holt-Saunders International. pp. 164–169. ISBN 0-03-056747-5.
Eksterne skakels
[wysig | wysig bron]
Wikispecies het meer inligting verwant aan Octocorallia
Wikimedia Commons het meer media in die kategorie Octocorallia.
Hierdie artikel is vertaal uit die Engelse Wikipedia
