Nico van Rensburg
Nico van Rensburg | |
---|---|
Gebore | ~1937 Ermelo |
Sterf | 12 Mei 2013 Pretoria |
Genres | Boeremusiek |
Beroep(e) | Musikant |
Nico van Rensburg was 'n Suid-Afrikaanse musikant wat die konsertina bespeel het. Van Rensburg het bekendheid verwerf nadat hy in 1984 en 1990 die SAUK se boeremusiekorkes-kompetisie gewen het. Hy was ook op Maak 'n las op SABC2 te sien. Hy het baie van sy eie musiek gekomponeer en het verskeie pryse ontvang, waaronder 'n Sama-toekenning vir die beste boeremusiekalbum.
Van Rensburg was die beskermheer van die Boeremusiekgilde en was veral bekend om sy konsertina-talent. Sy vrou het ten tyde van sy dood gesê: "Hy het geleef vir boeremusiek, vir Afrikaans en die Afrikaanse kultuur."
Van Rensburg is op 12 Mei 2013 op 76-jarige ouderdom by die 1 Militêre Hospitaal in Pretoria aan 'n hartaanval oorlede.[1] Dit was nadat hy in die jare voor sy dood met sy gesondheid gesukkel het en ook hartprobleme gehad het.
Sy begrafnis is op Donderdag 16 Mei 2013 om 10:00 vanuit die Nederduitsch Hervormde gemeente Swartkop in Eldoraigne gehou. Hy is deur sy twee kinders, vier kleinkinders en een agterkleinkind oorleef.
Diskografie
[wysig | wysig bron]Van Rensburg se albums en plate:
- Wenners: TV Boereorkes Kompetisie - Volume 4, 2006 SONY MUSIC/BMG
- So Speel Ons - Volume 3, 2006 SONY MUSIC/BMG
- Speel Sy Gunstelinge, SONY MUSIC/BMG/ALFA ATELJEE
- Speel Tradisionele Boeremusiek - Volume 1, 2006 SONY MUSIC/BMG
- Speel Tradisionele Boeremusiek
- Die Van Rensburg Legende, 1999 DAWN MUSIC/BOEREMUSIEKSA
- 50 Goue Jare, 1996 DAWN MUSIC
- Biltong & Braaivleis, 1994 DAWN MUSIC
- Egte Outydse Klanke, TRIO RECORDS
- Lekker Tradisionele Treffers, SELECT
- Biltong & Braaivleis LP, 1986 REAMUSIC
- So Speel Ons LP, 1979 MUSIC FOR PLEASURE
- Wagstaan LP, 1975 MUSIC FOR PLEASURE
- Op sy Beste, BOEREMUSIEKSA
- So speel Nico van Rensburg sy Gunstelinge, BOEREMUSIEKSA
- Speel Lekker Tradisionele Boeremusiek, BOEREMUSIEKSA
- Huldeblyk aan Willie Fourie (14/5/1929 - 19/4/2006), BOEREMUSIEKSA
- Huldeblyk aan Thys Langeveldt (11/9/1935 - 21/2/2006), BOEREMUSIEKSA
- Huldeblyk aan Nic Potgieter (29/04/1928 - 10/11/2002), BOEREMUSIEKSA
- Huldeblyk aan Hansie Roodt (28/08/1938 - 16/09/2005), BOEREMUSIEKSA
- Nico van Rensburg en sy Vader - Die Oue En Die Nuwe LP, MUSIC FOR PLEASURE
- Nico van Rensburg se Boerejol LP, 1980 MUSIC FOR PLEASURE
- Speel Sy Eie Treffers LP, 1975 MUSIC FOR PLEASURE
- Speel Die Gunstelinge van... LP, 1972 MUSIC FOR PLEASURE
- Konsertinaslaai LP, PÊREL
- Boeresport! LP, PÊREL
- Splinternuut! LP, TROUBADOUR
- Op Toer LP, TROUBADOUR
- Konsertina Klub LP, MUSIC FOR PLEASURE
- Boereorkes Wenner LP
Verwysings
[wysig | wysig bron]- ↑ Boeremusiek-legende oorlede[dooie skakel], Praag, 13 Mei 2013