Murchison-waterval
Die Murchison-waterval in die Nyl is ‘n trekpleister vir toeriste in die noordweste van Uganda.
Ligging
[wysig | wysig bron]Die Victoria-Nyl loop tussen die Victoriameer en die Albertmeer. Ongeveer 32km stroomop van sy mond lê die waterval by 2° 16′ 40″ noord en 31° 41′ 10″ oos. Dit is oos van die dorp Paraa in die Murchisonwaterval Nasionale Park (gestig 1952) en tussen die Kyogameer en die Albertmeer.
Waterval
[wysig | wysig bron]‘n Rotsrif oos van die Albertmeer plaas ‘n stremming op die loop van die water in die Victoria-Nyl. Dit dwing die rivier deur ‘n nou spleet tot so smal as 7m. Daarna verdwyn die rivier oor die val van amper 43m in ‘n kookpot van water. Onder die val is daar dan nog allerlei stroomversnellings totdat die rivier die Albertmeer aan sy noordoostekant binnevloei.
Naam
[wysig | wysig bron]Die eerste blanke wat die val besoek het, was Samuel Baker in 1864. Hy vernoem die val na die geoloog en voorsiteer van die Royal Geographical Society, Roderick Impey Murchison (Ross, Skotland 1792- Londen 1871). In die regeringsperiode van Idi Amin verander die naam na die Kabalega-waterval. Hierdie naam het egter nooit posgevat nie en word die oorspronklike naam nog altyd gebruik.
Trivia
[wysig | wysig bron]Tusssen die waterval en die Albertmeer kom besonder groot krokodille voor. Dit word toegeskryf daaraan dat baie visse die waterval nie oorleef nie.
Bronne
[wysig | wysig bron]- Standard Encyclopaedia of Southern Africa, deel 7. Kaapstad: Nasou, 1972. ISBN 0-625-00323-3
- https://www.world-of-waterfalls.com/
Eksterne skakels
[wysig | wysig bron]
Wikimedia Commons het meer media in die kategorie Murchison-waterval.
