Moskeeswael
Moskeeswael | |
---|---|
![]() | |
Wetenskaplike klassifikasie | |
Domein: | |
Koninkryk: | |
Filum: | |
Klas: | |
Orde: | |
Familie: | |
Genus: | Cecropis
|
Spesie: | C. senegalensis
|
Binomiale naam | |
Cecropis senegalensis (Linnaeus, 1766)
| |
Sinonieme | |
|
Die moskeeswael (Cecropis senegalensis en Hirundo senegalensis) is 'n lid van die swaelfamilie en een van die groter swaels.
Identifikasie
[wysig | wysig bron]Moskeeswaels lyk baie soos 'n reuse rooinekswael met 'n algemene lengte van 25 cm en 'n gewig van 45g by volwassenes. Hul bolywe is blou, anders as die rooinekswael se rooi bolyf. Die moskeeswael se gesig en onderlyf is wel rooierig, maar hul ondervlerke is wit met donker vliegvere. Die stert is gevurk en kom iets ronder by die mannetjies voor. Onvolwasse voëls is minder kleurryk en meer bruin, met aansienlik minder kontrasterende kleure.
Die moskeeswael lyk ook baie op die rooiborsswael, maar is ietwat groter en het korter sterte. Die donker kroon steek ook nie verby die oë van 'n moskeeswael nie, maar wel by 'n rooiborsswael.
Hul vlug is swaar en stadig en kan, gepaard met hul grootte, die indruk van 'n valk, eerder as 'n swael gee.
Voedsel
[wysig | wysig bron]Die primêre voedsel van die moskeeswael is insekte wat uit die lug tydens vlug gevang word.
Verspreiding
[wysig | wysig bron]Die moskeeswael word aangetref in die meeste dele van Afrika, suid van die Sahara, maar is die algemeenste in die Weste. Die voëls migreer nie, maar sal reëns tot 'n sekere mate volg.
Habitat
[wysig | wysig bron]Moskeeswaels verkies oop velde met bome en beboude gebiede. Hulle word gewoonlik in pare en swerms aangetref en selde as enkel voëls. Die voëls bou toe modderneste met 'n buisagtige opening; die neste word veral aangetref in die krake van, of onder brûe en soortegelyk strukture, benewens verlate geboue, gate in bome en grotte.
Voortplanting
[wysig | wysig bron]Die wyfie lê tipies twee tot vier wit eiers. 'n Mannetjie sal slegs met een wyfie paar tot en met haar dood. Na haar dood sal hy vir hom 'n nuwe maat soek.
Ander name
[wysig | wysig bron]- Wetenskaplike naam: Hirundo senegalensis
- Engelse naam: Mosque Swallow
Subspesies
[wysig | wysig bron]- C. s. senegalensis
- C. s. saturatior
- C. s. monteiri
Sien ook
[wysig | wysig bron]- Alfabetiese lys van Suid-Afrikaanse voëls
- Lys van Suid-Afrikaanse voëls (Groepeer)
- Lys van Suider-Afrikaanse voëls volgens wetenskaplike name
Bronnelys
[wysig | wysig bron]- IUCN 2006. 2006 IUCN Red List of Threatened Species. <www.iucnredlist.org>. Laaste besoek 24 Mei 2007.
- Moskeeswael Geargiveer 30 September 2007 op Wayback Machine by Avibase Geargiveer 30 September 2007 op Wayback Machine, die wêreldse voëldatabasis. Laaste besoek 24 Mei 2007.
- "Mosque Swallow" Geargiveer 28 September 2007 op Wayback Machine by "The Kruger". Laaste besoek 27 Mei 2007.