Molibdeen(VI)fluoried

Eienskappe

Algemeen
Naam	Molibdeen(VI)fluoried
Struktuurformule van
Chemiese formule	MoF6
Molêre massa	209,93 [g/mol]
CAS-nommer	7783-77-9
Voorkoms	liggeel vloeistof wit vastestof
Reuk	stekend
Fasegedrag
Fase	T<263,4K
Selkonstantes	a=490pm; b=854pm; c=937pm
Ruimtegroep	Pnma
Nommer	61
Fase	263,4K<T<290,6
Selkonstantes	a=622,1(5)pm
Ruimtegroep	Im3m
Nommer	229
Smeltpunt	17,5 °C
Kookpunt	37 °C
Digtheid	2,30
Oplosbaarheid	hidroliseer
Suur-basis eienskappe
pKa
Veiligheid
Flitspunt
Tensy anders vermeld is alle data vir standaardtemperatuur en -druk toestande.
Portaal Chemie

Molibdeenheksafluoried of molibdeen(VI)fluoried is 'n verbinding van molibdeen in sy hoogste 6 oksidasietoestand en fluoor met die chemiese formule MoF₆.

Dit is 'n vlugtige voggevoelige vloeistof wat maklik hidroliseer.

Kristalstruktuur

Onder 'n temperatuur van 263,5K kristalliseer die verbinding in 'n ortorombiese struktuur wat uit oktaëdriese MoF₆-molekules bestaan. Bo hierdie temperatuur word die struktuur liggaamsgesentreerd kubies en is daar wanorde in die oriëntasie van die molekules, alhoewel die fluooratome 'n voorkeur vir die rigting van die hoofasse het. Dit is 'n plasties kristallyne fase, wat van die wolframstruktuur (A2 in die strukturbericht-klassifikasie) afgelei is.

Chemiese eienskappe

Dit kan op verskeie manière berei word:

1. Uit molibdeenpoeier in 'n platinumbuis waardeur droë by 60 °C fluoorgas gevoer word
2. Uit molibdeenpoeier en BrF₃ teen 350 °C
3. Uit MoCl₅ en fluoorgas

Dit reageer nie met droë lug, chloor of swaeldioksied nie, maar dit hidroliseer met vogtige lug en stel waterstoffluoried vry. Behalwe goud en platinum korrodeer dit metale. Dit reageer met alkalimetaalfluoriede soos NaF en vorm oktafluoromolibdate soos Na₂MoF₈

Molibdeenheksafluoried kom as onsuiwerheid by die bereiding van ultrasuiwere wolfram uit gasvormige wolframheksafluoried voor. As die onsuiwere gas tussen temperature van 100 °C - 500 °C met metale soos Mo, Cu, Ni, Fe in kontak gebring word, reduseer dit die molibdeenheksafluoried tot molibdeentrifluoried wat nie vlugtig is nie en so verwyder kan word. Wolframheksafluoried bly onveranderd.

$MoF_{6}(gas) Mo(s)\rightarrow 2MoF_{3}(s)$

Gebruike

Dit word veral gebruik vir die skeiding van molibdeen se isotope, maar ook in die mikro-elektroniese industrie vir chemiese dampneerslag van molibdeen of molibdeensilisied om verbindings te produseer met lae weerstand en hoë smeltpunt. 'n Ander gebruik is as 'n sterk fluoreringsmiddel en filmvormende materiaal vir ioondotering.