Metakaloon

Metakaloon is ’n hipnotiserende- en kalmeermiddel. Dit word onder meer onder die handelsnaam Mandrax verkoop as ’n kombinasiemiddel, met 250 mg metakaloon en 25 mg difenhidramien in dieselfde tablet. Die wettige vervaardiging van metakaloon vir die handel is gestaak weens die wydverspreide misbruik en verslawende potensiaal daarvan.

As dwelmmiddel

Metakaloon het in die 1960's en 1970's al hoe gewilder geraak as ’n dwelmmiddel. In die 1970's is strenger maatreëls oor die beheer daarvan in verskeie lande ingestel, onder meer in Brittanje en die VSA, en in die 1980's is dit in baie lande aan die mark onttrek.

Onwettige metakaloon is een van die algemeens gebruikte dwelmmiddels in Suid-Afrika. Dit word onder meer in Indië vervaardig, dikwels in onhigiëniese toestande. Dit kom voor in tabletvorm, maar kan ook saam met dagga gerook word.^[1]^[2] Dit is ook elders in Afrika en in Indië gewild.^[2]

Verwysings

↑ "Mandrax". DrugAware. Reality Media. 2003. Besoek op 13 Augustus 2009.
↑ ^2,0 ^2,1 McCarthy G, Myers B, Siegfried N (April 2005). "Treatment for methaqualone dependence in adults". The Cochrane Database of Systematic Reviews (2): CD004146. doi:10.1002/14651858.CD004146.pub2. PMID 15846700.

Skakels

Wikimedia Commons het meer media in die kategorie Metakaloon.

Hierdie artikel is in sy geheel of gedeeltelik uit die Engelse Wikipedia vertaal.

[SA-1] "Mandrax". DrugAware. Reality Media. 2003. Besoek op 13 Augustus 2009.

[Cochrane-2] 2,0 ^2,1 McCarthy G, Myers B, Siegfried N (April 2005). "Treatment for methaqualone dependence in adults". The Cochrane Database of Systematic Reviews (2): CD004146. doi:10.1002/14651858.CD004146.pub2. PMID 15846700.

[1]

[2]