Masvingo
Masvingo (vroeër Fort Victoria) | |
|---|---|
 Straattoneel in Masvingo | |
  Masvingo | |
| Koördinate: 20°05′0″S 30°50′0″O / 20.08333°S 30.83333°O | |
| Land |  Zimbabwe |
| Provinsie | Masvingo |
| Stigting | 1890 |
| Masvingo | 1980 |
| Regering | |
| • Burgemeester | Femius Chakabuda |
| Bevolking | |
| • Totaal | 71 966 |
| Tydsone | UTC 2 (SAT) |
Masvingo (tot in 1982 Fort Victoria, toe die naam 'n kort rukkie Nyanda was) is die oudste Europese nedersetting in Zimbabwe en verleen sy naam aan die provinsie waarvan hy die hoofdorp is. Dit is 1 067 m bo seespieël geleë. Die geskatte bevolking was 71 966 in 2009, vergeleke met 11 380 tydens die 1969-sensus, 40 jaar vantevore, toe hier 8 500 swartes, 2 500 wittes en 350 bruines en Asiërs gewoon het.
Dit was die eerste permanente nedersetting wat deur die Pioneer Column tydens sy opmars in 1890 na Masjonaland gestig is. Die dorp het op 6 November 1953 munisipale status verkry. Dit is die middelpunt van 'n mynbou- en landboudistrik, wat hom veral op beesboerdery toespits. Die eerste krieketwedstryd in die gebied is glo in 1890 hier gespeel.
Die dorp is goed geleë vir die toeristebedryf. Van hier is twee nasionale parke maklik bereikbaar, asook die bouvalle van Groot-Zimbabwe, wat in 1980 sy naam aan die nuwe onafhanklike staat verleen het. Dit is aan die spoorlyn na Gweru geleë en het 'n lughawe wat vir binnelandse vlugte gebruik word.
Fort Victoria is in 1891 opgerig om die pad van die destydse Salisbury (tans Harare) te bewaak. Dit het bestaan uit 'n ommuurde gedeelte en twee wagtorings. Die kloktoring is saam met die oorspronklike fort opgerig en die tweede toring twee jaar later.
Die dorp is die tuiste van die Great Zimbabwe University, wat uit die Masvingo State University ontstaan het.
Bekende persone gebore
[wysig | wysig bron]Bronne
[wysig | wysig bron]- Akers, Mary (red.), Encyclopaedia Rhodesia, The College Press Pvt. Ltd., Salisbury, 1973.
- Bevolkingsyfer van World Gazetteer