Lunar Orbiter 3

Lunar Orbiter 3, gelanseer op 5 Februarie 1967, was 'n onbemande ruimtetuig as deel van NASA se maanwentelprogram. Die hoofdoelwit was om die Maan se oppervlakte te fotografeer om geskikte landingsplekke vir die ruimtetuie van die Surveyor- en Apollo-programme te kies. Dit was ook toegerus om maangrond, radiasie intensiteit en mikro-meteoroïdise impak data te versamel.

Die ruimtetuig was in 'n vrye-terugkeer baan na die maan gestuur en by die maan in 'n elliptiese wentelbaan om die maan geplaas, amper op die maan se ewenaar, op 8 Februarie. Die ruimtetuig se wentelbaan was 210.2 by 1,801.9 km. teen 'n inklinasie van 20.9 grade en met 'n periode van 3 ure 25 minute. Na 25 omwentelings in vier dae is die wentelbaan verklein na 55 by 1,847 km. Die ruimtetuig het foto's geneem vanaf 15 tot 23 Februarie1967 en terug na die Aarde gestuur tot 2 Maart 1967. Die meganisme wat die film aanrol het wisselvallige gedrag begin toon en daar is besluit om die data vroeër na die Aarde te stuur as wat beplan was. Die foto's is suksesvol gelees tot 4 Maart toe filmaanrol motor uitgebrand het met 25% van die foto's wat verlore gegaan het.

Die ruimtetuig se wentelbaan en fotografiese dekking van die naby kant (links) en verkant (regs)

Daar was in altesaam 477 hoë-resolusie en 149 medium-resolusie foto's na die aarde gestuur met die meeste van uitstekende kwaliteit met 'n resolusie van tot 1 m. In een foto kon Surveyor 1 se landingsplek gesien word en die ruimtetuig kon uitgeken word. Daar was ook akkurate data vanaf die ander eksperimente verkry regdeur die duur van die sending. Die ruimtetuig het aanhou opnames maak totdat dit met die maan gebots het na 'n instruksie uitgereik is op 9 Oktober 1967. Die impak plek was by 14.3 grade N breedtegraad en 97.7 W lengtegraad.

Verwysings

Hierdie artikel is in sy geheel of gedeeltelik vanuit die Engelse Wikipedia vertaal.