Lightyear One
Die Lightyear One is 'n prototipe Nederlandse volkome-elektriese motor. Die motor is aangekondig in Junie 2019, en produksie is geskeduleer om in 2021 te begin.[1]
Die Lightyear One het 'n groot luikrug, met die enjinkap, dak en kattebak wat met 5 vierkante meter se sonpanele bedek is, met 'n beweerde reikafstand van 725 km. Die motor is ontwerp met 'n windweerstand-koëffisiënt van Cd = 0.20. Die maatskappy Lightyear beweer dat die sonpanele in die somer 50-65 km kan toevoeg tot die motor se reikafstand.[2] Die motor het vierwielaandrywing, met die in-wiel-elektriese hubmotors aangedryf deur 'n lae-gemonteerde battery.[1]
Die Lightyear-span het ontstaan uit 'n groep Nederlandse studente van die Universiteit van Eindhoven wat drie jaar agtereenvolgens deelgeneem het aan een van die klasse van die Bridgestone World Solar Challenge, die voorste byeenkoms vir sonpaneelvoertuie. Die byeenkoms vind plaas oor 3 000 km vanaf Darwin tot in Adelaide in Australië. Die span het die "cruiser" klas gewen, wat ontwerp is vir voertuie wat lyk en werk soos gewone motors. Verskeie Suid-Afrikaners werk ook by Lightyear, met die Suid-Afrikaners as die tweede grootste nasionale groep na die Nederlanders wat werksaam is by die maatskappy in 2019.[3]
Verwysings
[wysig | wysig bron]- ↑ 1,0 1,1 Wilkinson, Luke (25 Junie 2019). "Lightyear unveils long-range solar-electric car". Auto Express (in Engels). UK. Geargiveer vanaf die oorspronklike op 29 November 2019. Besoek op 26 Junie 2019.
- ↑ Potts, Greg (26 Junie 2019). "The Lightyear One is a long-range solar-powered EV". Top Gear. UK. Besoek op 26 Junie 2019.
- ↑ Cohen, Tim (2 Julie 2019). "Another day. Another South African. Another electric car". Daily Maverick (in Engels). SA. Geargiveer vanaf die oorspronklike op 9 Desember 2019. Besoek op 2 Julie 2019.
Eksterne skakels
[wysig | wysig bron]Notas
[wysig | wysig bron]| Hierdie artikel is in sy geheel of gedeeltelik vanuit die Engelse Wikipedia vertaal. |
