Kroket (voedsel)
- Vir die sportsoort wat se naam (verkeerdelik) dieselfde uitgespreek word, sien kroukie.
| Kroket | ||
| ||
| Silindervormige krokette. | ||
| Soort gereg | Gebraaide kos | |
| Hoofbestanddeel | Maalvleis, fynaartappels | |
| Ander bestanddele | Vis, kaas, groente, sous, ens. | |
’n Kroket is ’n klein gebraaide rolletjie met krummels om, met as hoofbestanddele gewoonlik fynaartappels met maalvleis (lam- of beesvleis), hoender, kalkoen, vis of skulpvis, kaas, groente en ’n wit- of bruinsous.[1] Daarby kan ook geweekte witbrood, eiers, uie, kruie en speserye, wyn, melk of bier gevoeg word, of enige kombinasie daarvan.
Die kroket word gewoonlik in ’n silinder-, skyf- of ovaalvorm gerol, met krummels bedek en dan in diep olie gebraai. Die kroket (van die Franse woord croquer, "kraak") het wêreldwyd bekend geraak as ’n lekkerny en as kitskos.
Krokette met fynaartappels word dikwels as ’n bygereg voorgesit saam met wintergeregte, soos op Kersdag in die Noordelike Halfrond. Dié wat as kitskos verkoop word, bevat dikwels nie aartappels nie, maar kaas, beesvleis en sous.
Verwysings
[wysig | wysig bron]- ↑ "Eat word croquettes" (in Engels). Geargiveer vanaf die oorspronklike op 27 Maart 2020.
Eksterne skakels
[wysig | wysig bron]
Wikimedia Commons het meer media in die kategorie Kroket (voedsel).
Wikiwoordeboek het 'n inskrywing vir kroket.
Hierdie artikel is vertaal uit die Engelse Wikipedia
